田北辰:政府「完全離晒大譜」 稱檢疫期最短只可縮至14日

撰文:蕭曉慈
出版:更新:

政府早前宣布已完成接種疫苗的美國返港人士,酒店檢疫由原本需21日,減至14日,若能出示近3個月在港進行的血清抗體測試陽性證明,酒店檢疫再縮至7日,其後7天自行監察,以及在第12日再交樣本檢測。
一名38歲、居赤柱豪宅外傭昨日(13日)初步確診,她已完成接種復必泰疫苗,於8月1日從美國返港,因血清有抗體,被獲准在酒店檢疫,檢疫期7天後可回家,結果前天(12日)交樣本驗出陽性,並帶有L452R變種病毒。消息指,她的CT值為16.5,即具高傳染性。
田北辰在個人社交平台Facebook發帖文指政府「完全離晒大譜」,並強烈要求政府要盡快將美國列為高風險地區。

田北辰:完全無可能縮短檢疫期至7天 要求政府盡快將美國列為高風險地區 (資料圖片)

田北辰要求盡快將美國列為高風險地區

田北辰稱放寬檢疫期存在很多漏洞,更會為社區帶來風險,「結果我今日睇到新聞,有一位喺美國返港、打晒兩針嘅外傭,完成咗7日嘅檢疫出咗去社區之後,就發現初步確診並帶有L452R變異病毒株,成為第一單喺政府宣布檢疫期縮到7日之後確診嘅個案」。

他又表示這宗確診個案反映了不少問題,「最新嘅防疫措施完全唔夠嚴謹。睇返新聞,外傭無論喺抵港前、香港機場、定喺檢疫期間做嘅檢測,全部都喺呈陰性,喺最後出咗去社區先發現中招」。田北辰指曾與專家討論在變種病毒肆虐的情況,認為不論是否已接種兩針或以驗出血清抗體,均沒可能縮短檢疫期至7天。「因為7日嘅時間實在太短,完全驗唔出到底有抗體,但係有冇中招。所以我覺得個檢疫期必然唔可以去到7日,最短最短都只可以喺14日。」

他又表示現時美國的疫情非常嚴重,指政府「完全離晒大譜」,美國一天達10幾萬宗確診個案,「喺完全冇可能再當美國係中風險地區」。田北辰強烈要求政府要盡快將美國列為高風險地區,「咁先喺最安全最穩陣嘅做法」。

發表評論...