政壇諸事町︱6議員約定開會後跑步　5個大男人擺出經典動漫姿勢

立法會每個星期都有大量會議，逢星期三更有大會，由早上傾到黃昏，可謂十分漫長。六名立法會議員狄志遠、鄭泳舜、陸瀚民、陸頌雄、邱達根以及林素蔚，相約逢周三大會後到維港岸邊慢跑。

做運動鄭泳舜不缺席　林素蔚是跑步新丁

眾所周知鄭泳舜喜愛運動，他說獨自修行不如一齊練跑，6個人一開完立法會立即出發。

只見6人在添馬公園聚集，先做熱身運動，然後沿中環至上環海濱慢跑。狄志遠就話，身體好，辦事高，歡迎大家加入。邱達根亦歡迎其他議員加入做立法會跑友，多做運動身體好。

唯一女將林素蔚自爆係跑步新丁，同一班同事跑步鍛煉吓，話擁有健康身體才可以好好議政、服務市民。

幾個人在開跑前影相留念，5個大男人擺出經典動漫角色的姿勢。狄志遠直言是「出賣年齡」，叫大家估吓係邊套卡通。

陸瀚民就說，跑步同做善事一樣，都係豐歛由人，快慢均可。不過佢貼出嚟嘅相透露，今次跑步「唔嘢小」，用27分48秒跑了5.03公里。

跑咁長路程覺得點呀？陸頌雄、邱達根、林素蔚都係一個字：爽！