【率先試食】築地直送海鮮丼　拳頭大吞拿魚眼多膠嫩滑

東京築地市場其中一間批發商「豊洲水産」，第一間海外海鮮丼專門店即將於本周六開張！專門店食材逢星期一至六即日從築地直送，上午上機，黃昏抵港，新鮮到不行。而且供應不同種類、部位的鮪魚（吞拿魚）Maguro，香港人不用飛東京都可以品嘗最新鮮的築地海鮮丼！
攝影：陳嘉元

老闆最愛吞拿頸脊　魚味最濃

日本人稱鮪魚肉為Maguro，稱鮪魚腹身油分最豐潤的部位為Toro。香港人獨愛拖羅（Toro），而日本人喜歡吃赤身肉，即是靠魚背的紅肉部分，勝在魚味較濃。專門店主力賣Maguro，老闆伊藤紘明想讓香港知道吞拿魚並非只有最貴的拖羅好味，其他部位也有不同滋味和變化。「水產的世界博大精深，變化莫測，不同季節、水域出產味道也差天共地，即使是同一條魚，不同部位也有它的優點，一條魚可以有無限種滋味！」問到老闆最愛的部位，他指吞拿魚的魚頸脊運動量大，是魚味最濃郁的Maguro，可惜每條魚只有1公斤，一般業者都會留來自用，普通客人很少機會品嚐，聽得大家牙癢癢。

「黑鮪霜降腹身丼」用的黑鮪魚（吞拿魚）來自神奈川三崎港，接近腩位的「腹身」切成厚片，近骨的魚肉則剁成蓉，帶來兩種迥然口感。腹身魚肉粉嫩，油分充足而不膩，肉味濃郁，絕不輸拖羅，香港人真的一直低估了Maguro！

「豊洲海鮮丼」是2人份量，有十多種材料，包括吞拿魚赤身及腹身、香蔥吞拿魚腩蓉、油甘魚、醋鯖魚、海膽、皇帝蟹肉、牡丹蝦、帆立貝、鮮海草等。每款魚生厚度十足，份量驚人，料竟然多過飯，記者第一次覺得唔夠飯「餸」魚生！吞拿魚赤身肉質結實，腹身油潤，魚腩蓉幼滑，3個部位各有千秋。醋鯖魚緊緻有咬口，像脆肉鯇，也是一絕。

「汁煮鮪魚眼」比拳頭還大，意想不到的美味。眼窩肉多肉彈牙，魚眼邊又滑又多膠質，甜醬油濃淡適中。主廚本田先生說：「日本人是吃魚的民族，每個部分都不會浪費，我們不認為那是下欄，反而覺得一條魚只有2隻眼，非常矜貴。」魚眼每日限量供應，想吃要趁早。