Apple Siri 都識恭喜發財?農曆新年帶埋 iPhone 去拜年逗利是

撰文:
最後更新日期:

Siri 都識豬年祝福語逗利是?今個農曆新年可以搞搞新意思,事關 Siri 學識廣東話拜年,仲不停嘴啫啫講賀年說話,帶埋 iPhone 一齊去拜年,等 Siri 幫手講多句恭喜發財,隨時收多封利是。想知 Siri 識講咩賀年說話?一齊問問 Siri 啦!

Apple Siri 學識廣東話拜年,今年見到親朋戚友三姑六婆,就不用再「恭喜發財利是逗來」那麼單調;拜年的時候,絕對可以拿出 iPhone,召喚 Siri 幫忙。例如同 Siri 講:「喂 Siri 同我拜年」,原來 Siri 會識得答(按圖放大):

「祝你豬年開心過狗年!」(截圖)

似乎 Siri 都知道今年是豬年,你除了可以要求 Siri 跟你拜年之外,你還可以跟 Siri 講:「 喂Siri 講句吉利說話」、「 喂Siri 講句新年賀詞」呢類說話。既然 Siri 都知道今年是豬年,同 Siri 開講豬的玩笑,問問:「喂Siri 你係咪豬嚟㗎?」或者:「喂Siri 豬嚟㗎你?」,睇下 Siri 有什麼反應:

Siri 仲有機會透露自己生肖呀(按圖放大)!

若果你自己一個人悶悶地,仲可以同 Siri 拜年,或者同 Siri 討論各種有關農曆新年的「學術性話題」(按圖放大)!

另外,除了一系列玩味甚濃的賀年功能之外,其實 Siri 更加可以實實在在的幫手拜年。例如大家可以吩咐 Siri,幫忙在 WhatsApp 發送賀年說話給朋友,或者叫 Siri 為你制定日程,預約跟家人食開年飯等等。

用 Siri 幫忙賀年及設定農曆年日程(按圖放大)

除了 iPhone 之外,大家一樣可以用 iPad、HomePod 的 Siri 去拜年,咁就不論到酒樓團拜、到親友家中賀年,或者安座家中,等朋友上來拜年,一樣可以找 Siri 幫手,搞搞氣氛。

你可以同Siri講:
“喂Siri 講句吉利說話”
“喂Siri 講句新年賀詞”
“喂Siri 同我拜年”
Siri可能會答:
“諸事大吉,豬年好運!”
”恭喜發財,利是逗來!“
“新年快樂、大吉大利、身體健康!”
”祝你豬年家肥屋潤。“
“祝你諸事大吉、豬年行大運!”
”祝你豬年開心過狗年!”
“新一年最緊要身體健康!“
“祝年年有餘、歲歲平安!”
由明天 (2/1) 開始,如果你問Siri:
“喂Siri 你係咪豬嚟㗎?”
“喂Siri 豬嚟㗎你?”
Siri可能會答:
“唔敢當。我點敢搶新任生肖嘅鋒頭呢?”
”如果計我開始做嘢嘅年份,我應該屬兔。“
“我好榮幸可以同新任生肖相提並論。祝你豬年快樂!”
HomePod用家由明天 (2/1) 開始,如果同Siri講:
“喂Siri 客人嚟咗喇"
“喂Siri 客人到咗喇"
“喂Siri 有客人嚟”
Siri可能會答:
“歡迎,歡迎!”
”歡迎貴客光臨!我冇腳,出唔到嚟迎接,真係失禮晒!“
“客人你好!我叫Siri。你哋慢慢傾,有咩需要就隨時嗌我啦。”
**年三十開始會有不同回應!
年初一 (2/5) 開始,如果你同Siri講:
“喂Siri 新年快樂”
“喂Siri 恭喜發財”
Siri可能會答:
“歡迎,歡迎!新年快樂!“
”歡迎貴客光臨!Siri同你拜個年!”
**年初二,初五,初七,同新十五後會有不同回應!
你亦可試試以下Siri對話同功能:
“喂Siri 俾利是我”
“喂Siri 你今年過年做乜”
“喂Siri 點樣回答親戚嘅問題”
“喂Siri 仲有幾多日過年”(倒數)
“喂Siri 年初四係幾多號”(西曆農曆變換)
“喂Siri 年初一天氣點”(查詢天氣)
“喂Siri 幫我用WhatsApp發訊息俾Kelly祝佢心想事成身體健康” (WhatsApp發短訊)
“喂Siri 幫我約年初二夜晚七點半同屋企人食開年飯(安排時間)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。