尖沙咀一日遊5大好去處 睇楊學德作品展、日系雜貨店文化屋尋寶

撰文:許慧恩
出版:更新:

講起尖沙咀都會諗到大型商場,其實仲有藝文小店、藝術展可以睇!《香港01》記者精選尖沙咀5大一日遊行程,包括本地漫畫家楊學德作品展、日系復古雜貨店文化屋、海港城觀景台睇日落!疫情過後,不妨發掘一下尖沙咀有甚麼好去處。

【第一站】🤩復古雜貨店展開尋寶之旅@文化屋雑貨店

韓國街內原來隱藏著一間日系復古懷舊雜貨店!入到文化屋,有種好像尋寶的感覺,因為店內擺放著各式各樣日本直送的得意、古怪的小物,例如古怪扭蛋、搞鬼的耳環、胸口針、鎖匙扣等,更有一些充滿文青感的帆布袋、帽子等,總有一款適合你。原來文化屋來自原宿,已經有多年歷史!按下圖即睇有咩買🥰🥰

+2

文化屋雑貨店
地址:尖沙咀金巴利街22號1樓
電話:2721 2227

【第二站】😋中午食lunch

行完日系雜貨店之後肚餓,記者搜羅兩間不同風格的食店,包括抵食印度咖喱、打卡必去的搞怪風格cafe,睇下你鍾意邊一種風格!

【1】必食CP值超高咖喱@新德里餐廳 The Delhi Club(3C新德里咖哩王)

可能好多人都未入過重慶大廈,今次記者就推介一間超人氣咖喱,招牌菜有。不少網民推介咖哩要配芝士烤餅一齊食,香脆的烤餅裡包著濃郁的芝士,充滿奶香,更有拉絲效果。按下圖即睇有邊款招牌菜😋😋

+1

新德里餐廳 The Delhi Club
地址:尖沙咀彌敦道36-44號重慶大廈C座3樓3室
電話:2368 1682

【2】搞怪十足貼地cafe@Mamaday

Mamaday走搞怪路線,裝潢、餐具都玩味十足,包括打卡必備的霓虹燈牆、街道牌造型裝飾,連餐具、餐紙都有特別設計,例如是「佛系減肥」字眼的餐紙、中式傳統花紋茶杯,非常貼地又有創意!想知有咩招牌菜必食?按下圖即睇食物、環境、餐具有幾搞鬼😋😋

+2

Mamaday
地址:尖沙咀加連威老道29號信基商業中心2樓
電話:2345 6856

【第三站】🎨睇楊學德作品展@海港城美術館

想感受藝術氣息?今次海港城美術館展出本地漫畫家楊學德最新作品展「好像在那裏見過你」,楊學德擅長幽默詼諧、超現實風格,成名作「錦繡藍田」獲高度評價。今次作品展分兩期,展出超過40幅帆布本及數10幅紙本水彩作品,作品以懷舊香港生活作為靈感,帶你回到過去!按下圖即睇部分展覽作品👇👇👇

+4

「好像在那裏見過你」楊學德作品展
日期:即日起至9月27日
時間:上午11時至晚上8時
地點:海港城‧美術館(海港城海洋中心二階207號舖)
查詢︰2118 8008 / art@harbourcity.com.hk 

【第四站】🌅睇維港海景兼日落@海港城觀景台

完美的日落美景做一日遊的最後一站!海港城免費開放的觀景台「海運觀點」,讓你飽覽270度維港無敵大海景,仲可以同朋友一齊孖住打卡!另外仲有兩個大型活動平台,包括一個天然草坪,情侶們可以盡情打卡,小朋友可以玩樂。按下圖即睇維港景加日落有幾靚🥰🥰

+1

尖沙咀海港城「海運觀點」
地址:尖沙咀廣東道3-27號海運大廈頂層
電話:2118 8666

想知更多有助放鬆心情嘅香港好去處,例如離島、沙灘、單車、郊遊路線,click 入專頁睇更多推介!👉👉👉香港好去處|假日郊遊、離島放空、單車路線、食玩打卡|不斷更新

😍😍 同場加映:九龍城一日遊6大好去處 😍😍

又去九龍城食泰國菜?食到悶!今次記者精選九龍城6大好去處,有充滿文化藝術氣息的藝術村、中西交融的咖啡店、百年荳品廠、童年回憶糕餅等,行程超級豐富!香港邊度有得懷舊花卷?按下圖即睇😋😋

必去試回憶懷舊糕餅@豪華餅店

既然入開九龍城,不妨去一轉豪華餅店食返件懷舊糕餅,因為唔係周圍得搵得到這些糕餅!想食酥皮蛋撻、三角朱古力、舊式蛋卷這些經典西餅?豪華餅店可以一次過滿足你多個願望。仲有一款幾乎消失的西餅!按下圖即睇👇👇

想知仲有咩行程,點擊內文👉👉九龍城廣場擬重建 九龍城6大好去處 打卡牛棚藝術村/歎懷舊花卷

發表評論...