海洋公園水上樂園有男人闖入女更衣室　網民：更衣室設計有問題

最近有女網民於Facebook發文，指自己上星期到海洋公園水上樂園遊玩時，竟突然有男士闖入女更衣室，令她感到十分尷尬，直指：「有其他女士換緊衫！」

最近有女網民於Facebook群組「香港 Staycation 酒店交流谷」發文，指自己上星期到海洋公園水上樂園遊玩，在女更衣室如廁時聽到門外有男聲：「我聽到佢喺度搵人，已經呆咗。」

直到她洗手時，就發現該位男士竟在她身後經過，他途中同時大叫尋找朋友，嚇得事主大叫：「有冇搞錯？點解會有個男人喺女更衣室！」該位男士見狀立即快步離開女更衣室。

事主指，當時有其他女士在場，但是不是太多人留意到有男士闖入女更衣室，她直指：「嗰陣有其他女士換緊衫㗎！」她亦指肯定男士知道自己進入了女更衣室，更至少徘徊了兩至三個圈。「佢擺明知道呢度係女更衣室，先入嚟嗌女仔名搵人！」

事主直指：「我都無諗過會有啲咁痴線嘅事發生，但係嗰下真係好尷尬，我唔知佢係咪搏懵，我實在無可能即刻扯住佢，唯有大叫喝住佢。」

事主後來向職員反映，有女職員跟進事件，但是因該位男士已離開，她當時亦沒有拍下照片，所以沒有實質證據證明是否屬實。「女職員都搵唔到個男人，無證無據的情況下，無辦法去同海洋公園方面投訴。」結果事件不了了之，「只可以好無奈地喺呢度叫大家小心啲……」

事主事後指更衣室設計本來都有問題，因為儲物櫃設在公共空間，不論男、女、家庭都可以共用，男女更衣室分別設在儲物櫃空間的兩邊，不過更衣室沒有設門，是開放式入口，所以該位男士可以直接行入去女更衣室，「佢個設計真係好衰，明明係女更衣室，但係感覺好似同出邊儲物櫃地區連成一線咁」事主更指「雖然門口有雞乸咁大個標誌，不過要行錯、衝入嚟都唔係無機會嘅。」

帖文引來不少網民留言，有網民指責該位男士，指他以找人作籍口，有心衝入女更衣室：「色狼出沒注意！詐詐諦諦明知女更衣室仲衝入去！」亦有網民批評更衣室以及儲物櫃位置和設計都差，容易行錯。

詳細原帖：

👻同場加映：海洋公園哈囉喂🎃

萬聖節當然少不了海洋公園哈囉喂！受到疫情影響，今年哈囉喂雖然沒有鬼屋，但是會改為開放式的驚嚇互動活動，在遊玩過程中隨時有喪屍、嘩鬼嚇大家！記者率先到場直擊5大必睇位！想知有甚麼不能錯過的重點位？即睇下文啦！

【1】南神莊園

大家入場後可以先去「南神莊園」打卡，海洋公園哈囉喂2021於海濱樂園廣埸設有巨型萬聖節裝置，包括近5米高的超巨型「南神」。「南神」更會不定時嚇人！還有南瓜兵團同大家影相。廣場中史掛上予多個南瓜吊飾，入夜後會亮燈，驚嚇程度倍增，更有氣氛！

想知5大必知位？萬聖節美食？即點👉👉👉海洋公園哈囉喂2021｜率先直擊5大必知位、萬聖節美食