80年代編劇好好搵 寫一個劇本夠買樓？ 莊澄：倪匡就得！
撰文：李思朗
出版：更新：
投身電影圈30多年的莊澄，80年代入行時遇上香港影壇最輝煌時期，他一邊在新藝城母公司金公主任廣告撰稿員，一邊兼職寫劇本，當時創意文字有價，身兼兩職收入豐厚。60、70年代的神級編劇倪匡曾說過，他當年寫一個劇本的價錢已夠買一層樓，那莊澄又可有試過？或者有否以此為目標？他笑指：「佢（倪匡）梗係得啦！我嗰個年代一個劇本收20至30萬已經好叻，我就收大約6至10萬一個劇本，當然，倪匡70年代啲樓又再平啲。」
神級編劇倪匡當年一個劇本已夠買一層樓，相當厲害。（視覺中國）
不少人認為在香港地「揸筆搵食」等於「揸兜乞食」，但做電影編劇也有過收入豐厚的時刻，記者笑指以當時的劇本價格，莊澄要買樓應不是難事吧？他謙稱：「80年代樓價大約30幾萬起，我都唔算快買到樓。」原來他大學畢業後「自貶身價」加入電視台，「80年代做電視人工得1700蚊，教書反而有3500蚊」，其後輾轉到金公主任廣告撰稿員及兼職編劇，才有不俗的收入。他又坦言現時樓價貴得恐怖，「香港樓根本係貴，呢幾年直頭黐咗線」，慨嘆年輕電影人買樓上車的確不容易。
莊澄爆當年曾經驗劇本「走數」事件。（溫嘉敏攝）
莊澄當編劇的5年間，雖然適逢是香港電影最輝煌時期，但他坦言亦曾遇過「走數」事件，「試過講好咗畀5萬，但最後淨係肯畀2萬，又試過話唔想出我個名，如果我應承就畀支票我，唔應承就再傾」。最後結果係點？莊澄笑稱：「梗係應承啦，哈哈！」