粉嶺酒樓叉燒藏2cm針頭 港男險吞嘆搵命博:謀殺呀依家

撰文:喬納森
出版:更新:

不少港人都會外出用膳,但若食肆處理食材不當,隨時搞出人命。日前有網民發文投訴,指在喜悅皇宮酒樓粉嶺嘉福商場分店買叉燒飯時,發現叉燒暗藏一支2至3厘米的針頭,險吞下去,批評「食個叉燒飯都要搵命博」。不少網民見狀懷疑是針筒的針頭,「隻豬打針時留低」,如吞下可大可小,建議樓主報上食環署。
涉事分店職員接受《香港01》查詢時表示,沒有收到投訴。

有網民圖投訴在喜悅皇宮粉嶺嘉福商場分店買叉燒飯時,發現叉燒暗藏一支2至3厘米的針頭,險吞下去。(fb群組「Fanling 粉嶺」圖片)

下載「香港01」App ,即睇城中熱話:https://hk01.app.link/qIZYuEC5LO

有網民昨在facebook群組「Fanling 粉嶺」上載多張圖片,可見叉燒中暗藏一支針頭,長度大約是成人半隻拇指,由2至3厘米不等。樓主稱當日在喜悅皇宮酒樓粉嶺嘉福商場分店買叉燒飯,進食其間發現「唔對路」,「手指摸落去,鐵嚟嘅」,坦言如不慎咬下「真係成口血」,形容「謀殺呀依家」、「食個叉燒飯都要搵命博」。

帖文引起多人討論,認為「針筒唔知拮過乜,小心啲好」、「可大可小」、「呢枝係針筒嘅針頭,好明顯呢隻豬係打咗針,唔係畀針拮死,都可能食咗化學劑」,亦有人估計「好明顯係隻豬打針嗰陣留低,整叉燒又成嚿咁燒,冇發現真係唔出奇…唔好講到佢有心放落去咁」,亦有不少人問樓主有否報上食環署或向酒樓投訴,但樓主指嫌麻煩,所以擺上網提醒他人作罷。

《香港01》致電涉事酒樓了解,但職員表示到目前為止沒有收到有關投訴,亦不清楚有何工序需要到針頭。

(fb群組「Fanling 粉嶺」)

第一屆香港武術及搏擊運動博覽(武博)將於5月3至5日在九展舉行。(01製圖)
立刻Like!讚好《01熱話》: