【元朗遊行】大馬路撐警食肆:收雙計限坐半小時 網民稱絕不幫襯

撰文:
最後更新日期:

元朗西鐵站白衣人無差別襲擊乘客事件後,警方否決網民發起的「光復元朗」遊行,發出反對通知書,但周六實際情況難料,有自稱元朗大馬路附近食肆的負責人今早打上電台,稱為撐警照開舖,但新增最低消費100元、限坐30分鐘及收雙計等三大規矩,以防範有人搞事,同區另有店舖憂混亂則擬提早落閘。部分網民對有食肆或增最低消費做法不滿,批「趁亂掠水」,急叫街坊推薦「良心店舖」,稱自帶食物都唔會幫襯。

下載「香港01」App ,即睇城中熱話:https://hk01.app.link/qIZYuEC5LO

今早有自稱在元朗大馬路經營食肆的張女士,致電香港電台節目「千禧年代」,提及警方反對網民發起明日的遊行感安心,她指以往聲稱的和平遊行最終總有事發生,批評根本是假和平,又指明天計劃照開舖以撐警證「我哋唔驚」。

不過張女士稱因應「特別事故」,員工怕危險人手減少,故要增加特別規定,如每名客人最低消費100元、限坐30分鐘,以及會如新年一般雙計或三計,以防有人到場搞事。

同區有麵包店東主則指因應近日元朗發生的暴力事件生意下跌,亦感驚慌,明日會視乎情況,考慮提早拉閘。

全區嚴陣以待,即睇商場、政府設施有咩部署!
警反對周六元朗遊行,有市民再提申請,而網民則稱各有理由到元朗逛街消費,最終情況難料。

部分聽節目網民獲知張女士新增的規定大感不滿,稱最多望下餐牌不會幫襯,有人求區內街坊推薦「良心食肆」,有人揚言張女士可以放心因為大家絕不幫襯,「咁大家食飽先出發」、「趁人多多雙計唔係咁好,搵錢唔係咁,係憑良心」、「大馬路有連鎖店唔會趁亂加價,唔使幫襯佢」。

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。