外賣Pizza餡料側埋一邊變「太極批」 網民笑爆:感受到掟灣威力

撰文:
最後更新日期:

叫外賣最怕就是遇到貨不對辦的情況,等了一輪卻未能吃到心儀食物。有網民早前發文分享「中伏」經歷,稱訂購外賣Pizza時竟獲得一個「太極批」,Pizza上的餡料竟全部傾斜至一邊,另一邊則光禿禿只剩芝士批底。相片令樓主也忍不住開玩笑,稱送外賣的車手技術超凡,「掟個彎真係好似賽車手咁」。

有網民分享早前訂購外賣pizza的中伏經歷,稱餡料全部傾斜至一邊猶如「太極批」。(fb群組「中伏飲食報料區」圖片)

下載「香港01App ,即睇城中熱話:https://hk01.app.link/qIZYuEC5LO

該網民早前於fb群組「中伏飲食報料區」貼出相片,可見她訂購的外賣Pizza送到時,鋪於表面的材料如海鮮粒、番茄、青椒及菠蘿均傾斜於一邊,另一邊則只剩下鋪滿芝士的批底。

樓主看到Pizza後,估計造成「太極批」的原因是車手「掟彎」太厲害,不禁無奈說:「好明顯睇得出電單車手一定係比賽車手水準,掟個彎真係好似賽車手咁,個膝頭哥響掟彎嗰陣時差啲貼地咁滯。」她笑言,Pizza無餡的一邊「啱素食嘅朋友食」,又稱:「有一半啲餡係冇咗,咁係咪應該收半價呢?」

外賣pizza送到時,表面餡料側埋一邊,樓主笑稱送貨的電單車手好像賽車手般,掟灣時膝頭貼地。(資料圖片)

雖然對Pizza的質素不太滿意,樓主與友人沒有浪費或要求更換,「大家都好肚餓,所以炒勻啲餸就食喇」。網民看過相片都「感同身受」,替樓主感到可惜,笑稱「你嗰個速遞員一定係掟開葡京彎」、「完全感受到車手掟灣嘅威力」、「用心良苦呀,減肥嘅食左邊,增肥嘅食右邊」,亦有人分享自己的中伏經歷,可見餡料「掟彎」的情況不算罕見。

【熱話#同場加映1】(01製圖)

+3
+2
立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。