兩夫婦違泊如廁 巴士無法轉彎塞足20分鐘 網民:搞到中環大塞車

撰文:
最後更新日期:

香港地人多車多,塞車已是常態,但如果有人違泊而「一車累全家」,確實令人激氣。有網民在facebook分享多張照片及影片,指前晚(18日)上環一架私家車停泊在雙黃線,令巴士無法轉彎駛入永和街,「搞到成個中環大塞車」,有市民不忿上前爭論時,車主夫婦卻稱:「去個廁所之嘛,點知會搞成咁?」

前晚(18日)上環一架私家車停泊在雙黃線,令巴士無法轉彎駛入永和街,導致大塞車情況。(網民Chou Mei Zai授權提供)

下載「香港01」App ,即睇城中熱話

按圖睇「一車累全家」過程▼▼▼

網民「曹湄濟」在fb貼出相關照片及影片,只見一輛黑色私家車停泊在上環南豐大廈對出的雙黃線區域,一部88X號新巴被阻擋而未能轉彎駛入永和街,更導致該區大塞車。15分鐘過後,司機返回私家車上,有市民不滿走上前拍照,一女子立即喝罵「做乜影我老公?」,市民即反駁「佢架車塞住晒成個中環呀」,唯女子竟回覆「我去個廁所之嘛,點知會搞成咁?」,又用普通話大喊:「不要拍,不要拍!」

曹湄濟接受《香港01》訪問指,當時因為私家車停泊的位置,剛巧阻擋巴士轉彎,令德輔道中東西行線全塞,歷時大概20分鐘,其後警方到場發告票,鬧劇才落幕。

不少網民都鬧爆夫婦2人自私,「塞咗我15分鐘就係佢!」、「雙黃線班友都唔理,已經有人特登在欄杆加告示」,又指 「揸得車都唔入停車場,唔自在停車場錢啦」;有網民就指出該處是違泊黑點,「差唔多日日都有啲自私精泊喺度,塞咗架巴士唔過得」。

同場加映:網民亦曾經以地點、交通、飲食、環保等多個因素,盤點出本港最地獄的上班地點,有一區獲壓倒性認同▼▼▼

+15
+15
+15

想去晒咁多區當本地遊?即睇小編推介7條巴士線Buscation!▼ ▼ ▼

+30
+30
+30


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。