男友買模特兒前度寫真集贈品日曆放枱頭 港女嬲爆反遭趕走兼分手

撰文:安祖娜
出版:更新:

前度問題是許多情侶之間的地雷,有港女就於討論區發文大呻,稱男友近日購入寫真集,而主角竟是其前度女友。她直接向男友表示不滿,但對方卻解釋是「支持下」,又認為她發脾氣反應過激,因而將她趕出家門,並提出分手。帖文引來網民熱議,不少人認為港女「分得好」,指男友處理此事手法極差,未有尊重她。

有港女抱怨指男友近日購入模特兒前度的寫真集,提出不滿反被趕走及分手。(《前度》劇照)

下載「香港01」App,即睇城中熱話

該名港女於Dcard討論區以「如果你男朋友買咗ex嘅寫真集」為題發文,指男友的前度為「私影model(模特兒)」,近日推出了寫真集。她發現男友不但購買了寫真集,更將附送的日曆放於桌上,因而感到不滿。

兩人因寫真集爭執,男友解釋自己購買只為「支持下」,認為港女反應過大,「佢話我嬲係唔啱,唔應該發脾氣,話怕咗我,要分手」。後來男友更將她趕出門口,「佢開住大門,笑住話要請我走」,最終二人分手收場。

港女指從沒阻止男友買寫真集,但不能接受主角是其前度。(《前度》劇照)

港女指,自己沒有阻止男友購買寫真集,惟不能接受主角為男友的前度,「我冇嬲過佢買其他人嘅,我哋都有一齊睇過,但係ex呢下,我真係唔明」,又不禁詢問一眾網民:「我唔知自己係唔夠大方定點,去到要俾人嬲返轉頭?」

不少網民看過她的經歷紛紛留言,直指男友的行為毫不尊重,但認為及早發現相處不合而分開也是好事,「就算啱定錯都唔係趕人出門,以為自己好型?自己做咗啲行為令人唔鍾意,仲嬲返轉頭」、「我覺得佢買係冇問題,但佢要預咗現任有機會嬲,佢處理得唔好」、「除非女朋友講到明唔介意,唔係點解唔互相尊重下避嫌,始終前女朋友係一樣好令人尷尬嘅關係」。

亦有網民認為,男友或早已想分手,寫真集只是導火線,「佢身有屎,趁你發爛渣之前發你爛渣」、「佢有可能係想分手又唔想做開口嗰個,覺得由你講就唔使自己做衰人」、「佢心虛啫,分得好」。

分手後可以再見亦是朋友?還是只能撕破臉瞬間反目成仇?有網民分享前度做過最印象深刻的事,除了各種離譜出軌情節,也有引人發笑的奇怪舉動,掀起網民熱議,盡訴心中情:【點擊下圖放大即睇網民分享故事▼ ▼ ▼】

+10

👇👇👇帖文除了有眾多對前度的抱怨,其實也有感動和搞笑趣事,同樣讓事主記憶猶新👇👇👇

+1

👇👇👇同場加映:男友稱有新歡提分手,原來竟是鋪路求婚👇👇👇

+6
你可能感興趣