女友突唔用Emoji堅稱「真係無嘢」 港男淆底:純文字溝通似讀心

撰文:卓柏安
出版:更新:

表情符號(Emoji)是使用手機程式時的重要工具,令文字可以傳達訊息之餘亦有感情和溫度。近日有網民在討論區上分享,指與女友傳訊息時對方突然完全沒有使用表情符號,大感不妙,「呢鑊X街啦,肯定又唔知做咩激親佢或者佢受咗咩刺激而唔開心」。不過女友卻堅持「真係無嘢」,令樓主直言現時與女友溝通猶如讀心,急問網民應該如何拆局。

有網民在討論區上發文,指近日與女友傳訊息時,對方突然完全不使用表情符號,急問應該如何拆局。(資料圖片)

下載「香港01」App ,即睇城中熱話

網民「卡爾獲加」在連登討論區上以「女朋友突然唔用表情符號代表啲咩」為題發文,指與女友對話時如果對方沒有使用Emoji或Sticker就代表不開心或憤怒,2天前女友突然沒有再使用Emoji及Sticker,「咁我緊係心諗呢鑊X街啦,肯定又唔知做咩激親佢或者佢受咗咩刺激而唔開心(明明我乜都無做過)」。

日前樓主與女友外出晚餐,因女友表現完全沒有特別,看起來沒有憤怒及不快,於是他就直接問對方為什麼近日完全沒有使用表情符號,女友就答「純粹唔想用,真係無嘢」。樓主事後直言,「而家同佢傾計得返文字搞到變咗讀心咁,下下都要估佢用咩語氣講嘢」,只好問網民自己是否「瀨咗大鑊嘢,點拆好?」。

樓主直言現時與女友溝通如讀心一樣,要猜測對方的語氣是什麼。(《讀心神探》劇照)

網民嘗試為樓主解答,但見解大多都偏向負面,「淡咗,等你講分手」、「有第2個同佢傾得仲開心,啲表達情緒嘅情感quota去晒嗰邊」、「另1位男朋友激嬲咗佢囉」、「同樓主狀況一樣,跟住見住佢同第2個講即刻有晒Emoji,利申:被分埋」。不過亦有網民表示不一定有問題,「唔好諗咁多,唔好話女,我自己有時都會無原因唔用」。

同場加映:網民票選最乞人憎Emoji 冒汗笑、馬騮遮眼入圍 仲有呢個勁寸嘴【點擊下圖放大即睇內容!▼ ▼ ▼】

網民票選最乞人憎Emoji 冒汗笑、馬騮遮眼入圍 仲有呢個勁寸嘴
+16

同場加映:1人1件前度衰到爆的事!慶祝生日後講分手 拍拖只因對方外貌似Ex【點擊下圖放大即睇內容!▼ ▼ ▼】

1人1件前度衰到爆的事!慶祝生日後講分手 拍拖只因對方外貌似Ex
+11