茶餐廳都有廚師發辦（Omakase）？有港男於網上發文分享，稱於1間茶餐廳內發現餐牌星期日的E餐竟神秘地寫上「電話查詢」，引來網民紛紛猜測及笑言「盲盒餐」、「是日例餐」、「估計應該係粥，電話粥」、「電話查詢=專賣噚日賣剩／唔放得耐嘅快餐收檔」、「你唔可以面對面問」。

該港男於Threads發文發相，見到該間茶餐廳在牆壁貼上了手寫餐牌，A至D及F都是正常飯餐，唯獨E餐竟寫上「電話查詢」，讓人一時摸不着頭腦，但已成功引起港男興趣，笑言「唔該我要一份電話查詢呀，唔該！」。

茶餐廳「電話查詢」E餐引熱議

帖文引來網民熱議，有人形容是「Omakase（茶餐廳版）」，又笑說「是要用電話開盲飯盒？有趣有趣！」、「查詢要畀$58，唔係有嘢食，即係問路$58」，亦有人討論其他餐，「個A餐幾特別咁」、「印尼炒飯終於寫啱咗，而唔係『印尼炒反』」、「F（餐）好少見咁樣拼法，一次過可以食晒兩款」。