中秋節不少食肆關門或提早收鋪，有港男因而向平時甚少幫襯的觀塘食店買外賣，叫了50元的沙嗲串燒煎蛋飯，他不但認為價錢略貴，食物賣相不吸引，最離譜的是分開另上的沙嗲汁，打開竟是發了霉，有大堆白色霉菌在沙嗲汁表面，令他覺得嘔心。港男不滿，在網上公審，並表示已報食環。

沙嗲汁上驚見大片霉菌

食店不但食物質素重要，安全衛生也不容忽視。有港男在Threads上發相及發文，大呻在觀塘1間小店買外賣，相片見到是飯上有數條串燒肉串及1隻煎蛋，而沙嗲汁表面有一大片白色霉菌，上面更滿佈灰黑色點點，令人感到嘔心。

網民鬧：個汁要擺咗幾耐先可以發霉

不少網民看過帖文留言，「生化武器？」、「報食環啦，個汁要擺咗幾耐先可以發霉，無理由食物安全嘅嘢要個客提返佢轉頭」、「即係啲汁一兜兜放喺室溫一段長時間」、「WXXtf畀客之前唔check嘅」。

（Threads@be.a.rich.guy）