大使女友月花$2萬買名牌再碌父母信用卡 港男勸告反被罵「窮X」

撰文:
最後更新日期:

生活壓力大,閒時購買喜歡的物品作為自我獎勵也不為過,但花費時應量力而為。有港男於討論區發文,直指女友是購物狂,而且愈來愈「大使」,除了月花2萬元購買名牌,又用父母的信用卡網購。他看不過眼好言相勸,沒料對方不但沒有反省,更反斥他不願花錢於自己身上,令他不禁大嘆:「講到我好似從來冇送過嘢畀佢咁,女人真係煩。」

港男指女友除了用自己的信用卡,也會以父母的信用卡網購,認為對方的花費習慣有很大問題。(《愛的迫降》劇照)

下載「香港01」App,即睇城中熱話

「懷疑女朋友係購物狂嘅程度已經進入咗病態嘅階段。」該名港男於Dcard討論區發文,直指「女朋友大使到黐線」。他說女友以往也會購物,「一開頭其實都無咁嚴重,最多都係買下網購,但最近上莊識咗班大學同學之後,咩都買名牌子」,至今惡化至每個月也會欠下2萬元卡數。

樓主指,女友最近「課金」買了1個名牌銀包,沒料豪花一筆後仍未收手,「佢碌完自己張卡,再碌爹哋媽咪張卡。除咗買名牌銀包仲會買埋晒啲韓國高價網購,每次都買2至3千蚊,一個月買至少2次」。他續指,女友碌卡已成習慣,因要還卡數,平日生活的花費也要由他代付,「佢會話近排無錢找卡數,所以請唔到我食飯,但佢每個月都係咁碌落去,真係唔使旨意有錢」。

港男好言相勸女友,沒料反遭對方批評不願花錢。(《愛的迫降》劇照)

看到女友如此花費,樓主不禁感到擔心,遂好言相勸提醒對方注意,希望女友也意識到這情況,沒想到竟遭女友「話返轉頭」,「話我窮X,『少少錢都唔肯使,咪我自己買囉』。吓?講到我好似從來冇送過嘢畀佢咁」。樓主其後稱與女友因這事冷戰,大嘆:「我就覺得自己冇錯㗎啦,但我又覺得佢唔會主動搵返我,女人真係煩。」

帖文引來網民熱議,不少人認為如樓主與女友對金錢的價值觀不一致,日後亦難以有將來,「除非你都係好有錢,如果唔係我睇唔到你哋有未來」、「講真買名牌可以,但係要能力範圍內,而家明顯係虛榮到冇錢都要買名牌,咁嘅價值觀都好難一起繼續行落去喎」、「你女朋友仲要唔知自己有問題,呢個先係最大問題。我諗佢都係受身邊同學影響,好好哋搵個地方認真傾下」。

同場加映:女友住酒店上癮 不斷加錢升級豪玩 男友呻:Staycation害人不淺

女友住酒店上癮 不斷加錢升級豪玩 男友呻:Staycation害人不淺

+11
+11
+11

同場加映:女友睇樓提出未來屋企擺按摩浴缸 港男批唔實際:香港邊有屋做到

+7
+7
+7


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。