黑雨塞車被HR指責no show 求職者慘失簽約機會 網民齊估有黑幕

撰文:安祖娜
出版:更新:

今時今日搵工不容易,但若得到獲聘機會,簽約前「臨門一腳」才被取消資格,難免令人覺得公司有意留難。有求職者分享慘痛經歷,指早前成功獲聘,安排於首個工作天簽約,沒料當天撞正今年首個黑色暴雨警告(6月28日),結果上午因塞車而未能準時上班。他多次致電公司打算解釋情況惟無人接聽。至下午上班時,他卻遭人事部職員指責「no show」(沒有按時出現),翌日更遭以「attendance(出勤率)唔係咁理想」的理由拒絕聘用。事主的經歷引來網民嘩然,不少人認為他未有獲聘非因黑雨日缺勤,相信是另有暗黑內情。

有打工仔指,首天上班日遇上早前的黑雨警告,因塞車未能及時上班而被人事部職員指「no show」,最終失去簽約機會。(資料圖片)

下載「香港01」App ,即睇城中熱話

該名無辜失去工作的打工仔早前投稿至facebook專頁「奴工處」,表示自己居於北區,6月初獲1間位於觀塘的公司聘用,「office工,返9點」,並安排於6月28日首天上班及簽約,沒料當天卻遇上今年首個黑色暴雨警告。

樓主指,當天因天雨關係,「人在車上塞死」,遂致電較早前人事部職員來電的電話,打算預先通知同事未能準時上班,「08:30打返公司冇人聽,諗住黑雨可能未有人返到去,咁我隔一陣再打啦,由08:50一路打,打到09:30都係冇人聽」。最終他只好留言交代情況,「一路都冇回頭電話打返畀我,咁我assume黑雨冇人返到公司啦,如果有人返,應該早就有回頭電話啦」。

樓主解釋已多次致電交代因塞車而未能準時到達,惟職員堅持「枱頭電話睇唔到有miss call同voice mail」。。(資料圖片)

由於黑雨影響加上車程需時,樓主最終於午飯時間前回到公司,「HR第一句劈頭就問 :『點解你今朝no show嘅?』」他只好解釋已多次致電交代,惟一直無人接聽,但對方卻反駁指自己8時半已返到公司,堅持「枱頭電話睇唔到有miss call同voice mail」。事主遂展示通話紀錄,證明曾致電了十多次到人事部,對方之後「就求其咁帶過咗呢個問題」,並指因當日情況較特殊,提出翌日早上才找部門主管完成簽約手續。

沒想到當樓主翌日早上9時準時出現時,人事部職員竟突然表示:「X先生,由於你噚日嘅attendance唔係咁理想,而我哋公司係比較著重attendance嘅,閣下咁嘅表現,我哋公司就決定唔同你合作(簽約)啦!」

最終人事部職員指樓主出勤狀況欠佳,拒絕與他簽約,令他當場大發雷霆。(資料圖片)

樓主形容當下「呆咗5秒」,然後「一輪嘴咁」大罵該名職員長達5分鐘,才拿回個人物品離開,「完全唔畀佢有反駁嘅機會,因為真係谷氣,啖氣吞唔落!」。他事後回想認為,黑雨當日的經歷看似不幸,實際上或成了他的「救星」,「如果真係簽咗約返咗工,而個HR處事作風係咁的話,我諗入去做都有排受」。

帖文引來熱烈討論,不少網民也質疑樓主失去簽約機會並非因為「no show」,而是與人事部職員有關,「我覺得係HR要掩飾佢哋8:30之後冇人,所以先搞走你,由頭到尾你都冇見過阿head或其他同事」、「呢啲狀況梗係話新人no show,唔通話自己做漏黑雨安排」。亦有人認為樓主因事件及早看清公司的真面目是好事,「請你都唔好做啦,及早睇清楚呢間公司嘅文化都係好事」、「呢啲咁嘅公司好彩你冇做到,揾過份啦!加油呀!希望你好快揾到工」。

有打工仔在網上發文,指住在天水圍的他,早上9時半要到觀塘上班,於是每朝早需要6時多起床,距離遠之餘還要塞車,因而每日來回車程都超過3小時,直言「搭車仲辛苦過返工」。天水圍返觀塘這個「死亡組合」引起網民共鳴,甚至有過來人奉勸1句:「畀啲勇氣去轉份近屋企的,人生就多啲時間。」▼▼▼

+2
+2
請在《香港01》手機App把「熱爆話題」加入自選,緊貼全球各地最hit話題!(01製圖)

同場加映:網民嚴選最地獄上班地點,觀塘榜上有名! ▼ ▼ ▼

+16

同場加映:打工仔觀塘返工 每朝6點出門兜路行 早到被上司寸:咪再咁早返 ▼ ▼ ▼

+2

同場加映:觀塘成公認塞車之最,網民分析原因有呢啲! ▼ ▼ ▼

+23

同場加映:網民嚴選香港深度遊行程 觀塘收工遷徙夠壯觀 仲有7個地道推介▼ ▼ ▼

+3