全民檢測|網民支持稱應封城禁足10天截斷傳播鏈 有人擔心呢啲嘢

撰文:卓柏安
出版:更新:

【全民檢測/封城/禁足/林鄭月娥】特首林鄭月娥上周五(18日)傍晚見記者,提到已經準備全民檢測,承認正構思以身份證劃分去安排市民檢測,料2至3個月才能令疫情穩定。有網民在討論區上發文,問大家是否贊成「全港停10日全民強檢」,不少網民都表示支持,「長痛不如短痛」,但前提是政府可以提供充足支援,並且將找到呈陽性的市民都安排隔離及醫治。

2月18日,林鄭月娥承認正制訂全民強制檢測方案。(歐嘉樂攝/資料圖片)

下載「香港01」App ,即睇城中熱話

樓主在親子王國討論區的帖文上表示,現時香港政府「頭痛醫頭腳痛醫腳」,即使其中一座無事解封後,另一座亦會出事,認為「人同病毒識走㗎,係咁日日創新高咁樣爆落去,只會搞到百業蕭條,好多舖頭都執晒,愈嚟愈多人無工開」。樓主建議,給予全港市民4天時間儲糧,然後全港禁足封城10日,其間全民強檢3次,「情願痛1次抽晒隱形人出嚟醫」,完結後全港市民正常上班上課,「大家覺得行唔行得通?」。

網民留言都表示認同,主要原因是「長痛不如短痛」,使經濟有機會復甦,「我贊成,與其現在只停某啲行業,不如一刀切,起碼唔會只得部份人唔開心,唔公平,快快手停咗啲傳播鏈」、「長痛不如短痛,好過搞到日日擔心自己、屋企人、親人、同事、隔籬屋有無中招」、「當然贊成啦!而家咁樣擠牙膏,好多人都執笠失業!一刀切,盡快控制疫情好過」。

疫情下大量市民都需要進行強制檢測,多個檢測站都出現人龍,圖為2022年2月22日,沙田新城市廣場外,市民冒雨排隊檢測新冠病毒。(張浩維攝/資料圖片)
+10

不過有留言擔心,禁足加全民檢測難以實行,例如人手及隔離設施不足,「唔係唔贊成,但應該有啲困難,只係關商場都要諗好多嘢,又話舖租同人工點,我覺得好難會禁足」、「如果解決到啲人可以唔返工,有三餐提供的話先可行」、「贊成,不過要先搵好隔離地方,真係夠人手檢測,提早預告畀人買定嘢食」、「贊成,不過抽晒啲患者出嚟又如何,如果隔離設施不足,確診者都要留喺屋企都冇乜用」。

(親子王國討論區)

同場加映:快速測試套裝使用方法!點分陽性、陰性、結果無效?

以檢測承辦商相達生物科技生產的「INDICAID」為例,進行快速測試時有4個步驟要留意,即睇超簡單快速檢測教學步驟▼▼▼

+12

問題六:如何知道檢測結果是陽性還是陰性?

進行快速測試後,等候20分鐘就有結果,但緊記千萬不要超過25分鐘才讀取結果,否則結果無效。

即睇如何分辨「陽性」、「陰性」及「結果無效」▼▼▼

陰性:只在C區出現一條線
陽性:C區及T區都有一條線,即共兩條線
結果無效:如果C區無線,無論T區有沒有線,都是結果無效,須重新檢測

如快速測試結果呈陽性,應立即求醫;即使結果呈陰性,並非排除感染新冠病毒病可能,仍需繼續採取預防及控制措施。如結果無效,可用新測試套裝重新檢測一次,如有疑問,請求醫。