$95召貨車要幫搬貨?司機拒絕釀爭執 網民批西客:免費幫你搬?

撰文:卡洛兒
出版:更新:

運輸還運輸,搬貨上樓另計價錢是常識吧!網上流傳一段影片,顯示1名貨車司機與客人爭執,司機疑不滿被要求幫忙搬貨物上樓,大喊「做咁耐未見過95蚊包搬貨」。片段引起網上熱議,網民力撐司機無錯,直言運輸及搬貨2項服務有不同收費,召喚貨車前應先議好價,更批評片中客人是「西客」,「人哋唔識你做乜要免費幫你搬貨先?」。

網上流傳一段影片,顯示1名貨車司機與客人爭執,疑不滿被要求幫忙搬貨物上樓,大喊「做咁耐,未見過95蚊包搬貨」。(影片截圖)
+1

下載「香港01」App ,即睇城中熱話

「你唔好掂我呀!」、「你唔好掂我就真!」網上流傳約45秒的影片,只見有物流公司的貨車司機與1名客人爭執,直斥「我做咁X耐都未遇過呢個問題,95蚊幫你搬?」,而客人則致電其他人求救稱「佢同我嗌交呀!仲話唔搬貨喎」,又說「攞出嚟都唔肯呀而家」、「佢話攞出嚟都要另外收錢」。

片段未有交代事發時間及地點,但仍然引起網上熱議,不少網民都支持司機「企硬」的做法,認為客人在「博大霧」要司機幫搬,「APP寫明$95係運輸費,唔係搬運費」、「食懵你咩!$95又車又油又司機仲要搬埋!」、「叫車一定知道上落貨都要畀錢㗎啦,見阿叔好恰呀?」、「司機好波,千祈唔好做壞規矩,唔係下次就唔知邊個行家受害」。

不過有網民就表示這情況是最常出現的爭拗,因此事前需講清楚交收要求,「正常下單時會填寫要求搬貨,會再傾加錢」、「價單講得好清楚,唔包搬上樓」,又指如果客人好聲好氣,臨時向司機提出加錢,或者都有商有量,「你要識做呢!自己唔想搬,但又想叫人做,咪畀多些少錢囉」。

👇👇👇同場加映:送貨員一句KO無理客人👇👇👇

+16
你可能感興趣