港女搭港鐵批「男人黐埋嚟又臭」 一句話掀罵戰 網民:包車囉!

撰文:布萊恩
出版:更新:

港鐵等交通工具人多擠迫,加上近日天氣炎熱,旁人身水身汗在所難免。不過有港女在Instagram(IG)發限時動態,大呻「好憎地鐵,啲男人痴痴痴(黐黐黐)埋嚟,又臭」,短短14字即掀起爭議罵戰。有網民認同夏天不少男士汗味的確「難頂」,也有不少網民批評港女言論「衰格」,揶揄「包車囉」。另有網民認為毋須批鬥事主,「又冇影人,自己IG怨兩句啫,咁都要批鬥?」

有港女在Instagram(IG)發限時動態,大呻「好憎地鐵,啲男人痴痴痴(黐黐黐)埋嚟,又臭」,短短14字掀起爭議。(網上圖片)

有港男在連登討論區轉載一張IG限時動態截圖,背景疑似在港鐵車廂內拍攝,內容是有港女大呻「好憎地鐵,啲男人痴痴痴(黐黐黐)埋嚟,又臭」。樓主不滿港女言論,炮轟「咁唔鐘(鍾)意就咪X搭地鐵,叫你私人司機嚟接你囉」,結果掀起網民爭論。

有網民留言指對港女所說深有同感,「老老實實,我都好驚啲大叔地盤男人痴(黐)埋過來,呢度個個都應該驚,好正常」、「我係男人都驚啦,地鐵啲麻甩佬真係又汗臭又痴(黐)得近,夏天真係咪鬼搭地鐵」、「夏天男人真係勁臭,衫又洗唔乾淨,溝埋汗臭」、「True真係好恐怖,個人唔乾淨影響到人架嘛」。

港鐵等交通工具人多擠迫,加上近日天氣炎熱,旁人身水身汗在所難免。(示意圖/資料圖片)

但也有不少網民認為港女小事化大,譏諷應轉坐私家車,「個格衰到」、「放學時間搭地鐵人貼人仲得人驚啦,佢張相好多空位囉」、「其實有聞過嘅人會明,有啲人連衫都唔撚換,不過我會自己行開算,唔會po story咁onX」、「勸佢唔好坐地鐵,轉坐私家車」、「老實講,搭得就預咗,話晒交通工具,乜人都搭嘅」、「包車囉」、「頂唔順咪唔好搭或者自己行開囉」。隨即有網民反駁,「搭車奉旨要聞臭味?」。

另有網民「勸交」,指出港女只是自己抒發感受,毋須批鬥公審,「又冇影人,自己IG怨兩句啫,咁都要批鬥?」。