友人童年讀書唔叻但逼仔女考第一　網民不解問「咩心態？」引激辯

望子成龍，是不少父母對子女的期許。有網民日前發文，指自己未有子女，眼見身邊為人父母的朋友強逼子女每日花10小時讀書、幼稚園已經要做額外的教材練習，感到難以理解。她又認為學習講求天分，並非靠強逼，明明友人們曾經的成績也只是中等，卻要求孩子考第一，稱不知他們是什麼心態。

樓主在香港討論區以「父母自己讀書唔叻又要逼仔女考第一係咩心態」為題發文，稱與已為人母的朋友聊天時發現她們以前學業成績並不優秀，但有了孩子後就希望孩子都能考第一，「所以小朋友2歲就開始要返學上堂，幼稚園如果唔多功課又會上網搵啲教材印出嚟畀小朋友做」。樓主又認為雖說友人們是望子成龍，然而讀書也需要天分，不能靠「逼出嚟」，「明明大人細個讀書都唔叻，點解要強逼自己小朋友讀書好叻次次考100分？」。

樓主指大家以前雖然學業一般，但現在也一樣有不錯的工作，與其花時間逼孩子讀書，「不如用呢啲時間關心吓佢返學發生咩事，或者搵吓佢有無其他方面嘅才能，關心佢心靈健康唔係仲好咩？」。樓主又解釋可能自己未有子女，所以無法理解身邊友人「點解會咁樣逼自己個仔每日連埋返學要讀10個鐘書」。

帖文引來網民激辯，有人認為有的父母是不想孩子和自己一樣吃苦，有的是為了虛榮心，「可能父母本身細個讀書唔好，唔想子女行舊路；又可能虛榮心，本身自己已經係人生跑道無得炫耀，那就用子女成績炫耀」、「父母正常心態，自己做唔到，希望下一代做到」。亦有人同意樓主，覺得讀書並非靠死記硬背，同時有家長表示希望子女有快樂童年，「聽講讀寫的方式去教，多啲陪孩子玩耍反而仲會名列前芧」、「我覺得重點係帶領小朋友有正面觀，價值觀，唔係着眼比較子女成績」、「快樂童年好重要」。

但有人就批評樓主是「失敗者」，曲解為人父母的苦心，「失敗者只懂找藉口，你咪唔好讀囉，出嚟社會做嘢到時又話社會睇唔起你」、「想仔女第時搵錢容易啲囉！點解要諗到咁複雜呢？」。