做炒散保安4年儲$100萬引熱議　網民質疑可信性：唔食唔住先做到

做炒散保安4年儲到100萬元，到底是否有可能？近日網上流傳1張截圖，有人自稱做了4年「炒散」保安，成功儲到100萬。事件引起熱議，有網民質疑可信性，「反正我唔會信，保安炒散最多咪$700一日，利申我做過，咁就係全香港人都好快有幾球嘢啦」、「嗰一球嘢，有99萬係老竇畀嘅，另外老母畀咗30萬佢，使剩係得咁多嘞」；不過也有網民認為只要極度勤力上班和節儉，確實有可能做到，「好多嘢事在人為，看更好處係仲可以屋企附近做，車錢都慳返」、「如果長期開足工，一個月儲2萬係有可能，最緊要忍到手放棄所有享樂」。

有網民於facebook群組「香港單身狗關注組」發文轉載帖文截圖，有人稱「返了4年炒散保安，已儲$100萬」，又貼出銀行扣賬卡及定期存款通知書照片，以證自己確實擁有100萬元。樓主曲線暗嘲道，發文者4年沒做過長工，只是做保安散工都儲到100萬元，「你話幾勵志，根本香港就周地都有錢執，唔會有窮人，無人欠債，唔應該有人瞓街，身在福中不知福」。

帖文引起熱議，不少人質疑單靠任職保安，4年不可能儲到100萬元，「看圖作文，何必認真」、「月入8000蚊再加老竇畀嘅95萬，咁就4年有100萬」、「唔通人哋係富二代，有樓都係父母畀會話你知咩」、「仲要唔使食、唔使住、唔使搭車、唔使着衫添，4年無病無痛，犀X利」、「我好想學光合作用」、「4年100萬，1年25萬，1個月2萬炒散仲係炒散？」。

不過也有網民認為事在人為，「做有關防疫嘅可能有，但一定位唔多」、「一年儲25萬，當佢係公屋仔好慳使，1年要搵35萬先圍到皮，一係每日煙駁煙咁返兩份先至有咁嘅可能，但好肯定咁返法一定辛苦過做長工」、「都有可能嘅！同屋企人住，唔使上繳、唔出街、唔拍拖」、「住屋企畀$2000家用包埋佢食，每月基本支出主要咪車費電話上網費呢啲，加埋呢幾年疫情根本就無娛樂有咩出奇」。