保時捷大戰的士影片瘋傳!嘲「抵你一世揸的士」 的士1句KO獲讚

撰文:布萊恩
出版:更新:

駕車一定要遵定規則!本港網絡瘋傳一段「波子(保時捷)大戰的士」影片,見到新界沙田科學園有掛上中港車牌的保時捷,於實線窄路掉頭,後方的士去路被阻唯有停車等候;保時捷司機最終用「7手軚」才能成功掉頭,臨離開前竟打開車窗爆粗指罵的士司機停靠太近「你唔好ON X啊!」,又譏諷「抵你一世揸的士啊!」,的士司機於是還擊「揸波子大X晒啊?」。
影片引來網民熱議,大讚的士司機「寸得好」,「做得好好,對付呢啲X街唔使客氣, 揸波子咋,唔係揸坦克呀,大X晒咁款!」、「掉頭阻住人,講聲對唔住,唔好意思要死咩」,又認為的士司機應舉報該保時捷司機,「做佢啦,以為自己有錢大晒咁」。

本港網絡瘋傳一段「波子(保時捷)大戰的士」影片。(影片截圖)

有的士司機周三(4月26日)於網上多個的士、交通群組上載影片表示,「我知你揸波子大晒,我揸DC(的士)就是罪。但你最後個句真係講中我心聲,所以我都回返份禮物畀你」。

從樓主上載影片見到,科學園有掛上中港車牌的保時捷,於實線窄路掉頭,後方的士去路被阻唯有停車等候,其間聽到司機抱怨,「無嘢啊?喺度掉頭?呢度實線嚟!有無牌㗎呢條友?咁多位唔掉喺到掉頭,呢度實線嚟㗎嘛,睇下線先啦大佬」。

保時捷多次駛前、後退,要用「7手軚」才能成功掉頭▼▼▼

+4

保時捷多次駛前、後退,最終要用「7手軚」才能成功掉頭。不過事件未有結束,保時捷司機臨駛走前,竟打開車窗爆粗指罵的士司機停靠太近,「你唔好ON X啊,你隊咁埋嚟!」。的士司機反駁:「你前面咪有迴旋處囉!你又唔打燈點知你想褪尾啊?」保時捷司機則邊駛走邊譏諷:「抵你一世揸的士啊!」,不甘受辱的的士司機隨即反嗆:「揸波子大X晒啊?」之後保時捷離去,司機未有再指罵。

保時捷司機與的士司機對罵過程逐格睇▼▼▼

影片引來網民熱議,大讚的士司機「寸得好」,「做得好好,對付呢啲X街唔使客氣,揸波子咋,唔係揸坦克呀,大X晒咁款!」、「掉頭阻住人,講聲對唔住,唔好意思要死咩」、「波子司機把口好賤喎,理虧仲咁多嘢講,話揸一世的士,係對呢個行業一種侮辱!」。

也有網民關注保時捷駕駛技術,「佢手車都好X屎,咁X多手軚先掉到頭」、「金錢買唔到技術!」。另有網民認為的士司機應舉報該保時捷司機,「做佢啦,以為自己有錢大晒咁」。