西灣河請食飯黨?兩操普通話女專搵男途人請食嘢 街坊落疊後咁做

撰文:謝茜嘉
出版:更新:

疑似騙徒在港島出沒!有西灣河街坊於網上發文分享該區疑似有「請食飯黨」出沒,兩名操普通話女子專向街上男子「埋手」,請求買食物給她們,有男子心軟「落疊」,與兩女進了麵包店買食物,她盼港人能保持警覺,以免受騙。

有西灣河街坊於網上發文分享該區疑似有「請食飯黨」出沒,兩名操普通話女子專向街上男子「埋手」,請求買食物給她們。(facebook群組「筲箕灣西灣河關注組」影片截圖)

該街坊於facebook群組「筲箕灣西灣河關注組」發文表示,事發於上周二(5月23日)下午5時左右,她於西灣河街頭留意到有兩名操普通話女子截停1名男子說了些話,她聽不到說什麼,不過該男子隨後「耍手兼擰頭就走咗」。樓主覺得事有蹊蹺,於是一直尾隨兩女並拍片錄下可疑行為。

從影片可見,兩名穿深色裙的女子於街上漫步,四處張望尋找目標,但遭多名男子拒絕,隨後1名穿黃色上衣的男子剛從巴士下車就被兩女「睇中」截停說了些話,之後3人一同進入1間麵包店揀選食物。樓主說,兩女發現她偷拍後,她立即停錄,「之後見到佢哋每人拎住2件企喺門口食」。

樓主指出,根據其觀察,「佢兩個只會問男士,大部分都醒目,唔睬佢兩個,但最後都有一位俾佢兩個捕獵成功,之後就入咗美心,原來係叫人賣嘢畀佢哋食」,她希望「大家隨時能夠保持警覺」,以免被利用善心。

事件引起網民熱議,有人直言「今時今日都仲上當嘅人,真係唔知話你戇X定好心地」、「呢啲咪係正宗搵老襯囉」、「因為兩女知道男士都會有『憐香惜玉』之心」、「港女拍拖唔AA係港女,依啲男人就即請」,有人建議「走埋去提醒佢:『先生你咁好心,唔爭在請埋我食』,希望佢可以醒水被人呃」。

+3

有網民留意到兩女衣着完全不像窮人及身無分文,「着得咁整齊,又有A貨名牌袋,只係呃個美心?可能另有目的,點都好,多謝呢位街坊報告,西灣河越來越多呢啲人」、「對鞋新過我的」。有網民說曾在其他地方遇到兩女,「我喺形薈樓下都俾其中一個問過,話好肚餓無嘢食,無理佢就走咗」、「之前好似喺太古城見過佢哋,大家小心啲!」。

有網民分享騙徒手法,即使欺騙他人獲取平價食物都有利可圖,「我同事試過有個阿婆叫佢買包畀佢食,之後阿婆仲要求話買2個大麥包,然後話要埋膠袋。同事見佢係阿婆就照幫佢畀錢,之後原來阿婆走回餅店退錢」。