馮允謙加盟寰亞力谷新碟 玩命拍唱片封套跌幾百次!

撰文:
最後更新日期:

馮允謙加盟寰亞後推出首張EP《DETOUR》,當中大部份歌曲他親自創作,當中包括冠軍歌《尋找白金漢》。除了出力創作以外,他拍攝唱片封套時一樣去到盡,在彈床上跳躍跌倒幾百次,簡直是「一直在玩命」。

馮允謙加盟寰亞後推出首張EP《DETOUR》,唱片封套非常有型,但原來背後Jay跌咗幾百次。

點擊睇多啲拍攝花絮!(按圖放大)
+2

馮允謙之所以要「玩命」,因為攝影師想要用比較特別的方式來表達「跌」的感覺,他說:「你見到我喺張彈床不停咁跳、跌,就係要做到佢要求嘅效果,之前同事話今次拍攝會表現我好型嘅一面,原來係跳跌到頭髪飛起晒,成身大汗咁型。」不過因為事前準備功夫十足,Jay 對自己的表現很滿意,他滿有信心地說:「為咗提升個人狀態,我特別小心飲食,務求以最佳狀態拍攝唱片封套照片,今個星期我將所有平時會食嘅快餐店食物、薯片全部戒晒,多菜少肉少澱粉質。昨日午餐雖然食自助餐,但我全部食齋及魚,而且全部係蒸,冇油炸食物,夜晚都只係食菜同埋少少肉,今次真係好乖。」

好彩呢排Jay有秘密練兵,咁先可以應付到今次拍攝。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。