翻唱《越吻越傷心》獲網民大讚 強尼:唱嗰陣緊張到成個背脊濕晒

撰文:
最後更新日期:

ViuTV音樂節目《Chill Club》每集邀請到不同樂壇猛人上台獻聲,樂手班底有Joey Tang、Pam鍾達茵等知名樂手,主持有羅敏莊、彭家麗、湯寶如等唱得之人,光看以上陣容就知道是專業的音樂節目。最新一集的亮點,莫過於做開主持的強尼開金口翻唱《越吻越傷心》,網民大讚:「全民造星應該佢贏!」、「香港樂壇欠強尼一個交代!」

見網民反應如此熱烈,《01眾樂迷》致電強尼,是否特意秘密練兵要大家眼前一亮?他笑說:「雖然我係講波佬出身,但我何嘗冇幻想過做一個偉大嘅歌唱家!哈哈!」(點擊睇強尼唱《越吻越傷心》)

強尼唱《越吻越傷心》驚豔網民,個個都大讚估唔到佢咁唱得!(ViuTV提供圖片)

即Click睇下強尼靚相先啦喂!(按圖放大)(強尼Instagram圖片@ilovemyoq)
+5
+4
+3

強尼如此唱得令網民大感驚訝,到底他事前有否為此特意練歌,或者找歌唱老師?他說:「其實冇話特別去搵老師學,因為不嬲都鍾意唱歌,同朋友唱K玩下,加上自己又唔識樂器自彈自唱……」話雖如此,但其實強尼曾參加歌唱比賽得獎,他謙虛說:「讀書嗰陣玩過比賽咁啦(有冇名次?)喺城大嗰陣玩過歌唱比賽,羸過兩次冠軍,之後玩聯校比賽都攞過第二定第三,不過都係啲校園級Level啫,哈哈!」而今次擔任主持兼獻聲原來是巧合:「今次節目(第2季)本身係趙學而同羅敏莊做主持,不過咁啱學而個期未就到,所以我就幫手頂一頂。」節目在1月15日錄影,而強尼在錄影前兩日才到港,當日下午才正式綵排,在如此緊絀的時間下仍交出水準,實在不容易,他笑言:「你都唔知呀,我錄影嗰陣緊張到成個背脊濕晒呀!」

強尼表示,作為一個喜歡唱歌的人,能站在Joey Tang以及一眾知名歌手身旁唱歌已是很開心的事。(ViuTV提供圖片)

有網民說強尼應該參加《全民造星3》,他會否與花姐傾傾過下癮?他笑言:「唔好玩我啦,《造星》係畀年青人嘅!」即使無意玩《造星》,那會否開拍多一些音樂節目?他說:「其實我唱完嗰集後,生活都係如常咁過,我真係冇諗咁多。而且呢個圈入面玩音樂叻嘅人實在有好多,都係睇公司安排,都會盡量配合。作為一個鍾意唱歌嘅人,可以企喺Joey隔籬唱歌已經係好開心嘅!」

仲有更多強尼唱歌片段,即Click睇下啦!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。