音樂圈相關工種疫市手停口停 Joey Tang:昐政府照顧藝術工作者

撰文:
最後更新日期:

新冠肺炎持續肆虐,各行各業都面臨重創,對於表演藝術行業來說更是苦不堪言,事關他們正是手停口停的一群。環顧香港樂壇,近4、5個月演唱會相繼取消及延期,對樂手、台燈聲工作人員、宣傳人員的生計大受打擊。《01眾樂迷》致電業內相關人士,探討疫市下他們如何自處,問到身兼太極樂隊結他手,及著名樂手的Joey Tang如何面對疫市,他亦慨嘆一句:「都唔知捱到幾時……」

身兼太極樂隊結他手及著名樂手身份的Joey Tang慨嘆:「呢排都頂得住嘅,不過都唔知捱到幾時。」(資料圖片)

多個演唱會因疫情而取消或延期,有冇邊一個你買咗飛?(按圖放大)
+2

近4、5個月本地及巡迴演唱會相繼取消及延期,樂手及製作人員首當其衝受影響,因為大部人都是自由工作者性質,如今沒有演出他們確實手停口停。Joey Tang亦坦言生計受影響:「都有影響㗎,呢排都頂得住嘅,不過都唔知捱到幾時。一班樂手手足依家喺屋企寫下歌、編下嘢,做住其他嘢先,唔會淨係等開show。」另外,他擔任ViuTV節目《Chill Club》的Band Leader,現時仍然有錄影工作:「多得有ViuTV,雖然有一、兩集改咗期,不過依家都仲有錄影嘅。」

Joey Tang擔任ViuTV節目《Chill Club》的Band Leader,他慶幸與一班樂手手足仍然有錄影工作。(節目擷圖)

Joey Tang在行內打滾多年,除了關心樂手,他亦為台燈聲的工作人發聲:「希望政府多啲照顧佢哋啦,佢哋起碼手停口停咗4、5個月。佢哋都係藝術工作者嚟㗎,流行音樂都係藝術之一,以前佢哋通宵搭台做聲俾我哋表演,真係鐵人嚟,好值得尊重!」

有業內人士在社交平台轉發此帖文,表示生計大受打擊。(網上圖片)

Joey Tang在行內打滾多年,除了關心樂手,他亦為台燈聲的工作人發聲:「希望政府多啲照顧佢哋啦,佢哋起碼手停口停咗4、5個月,佢哋都係藝術工作者嚟㗎。」(資料圖片)

了解過音樂行業前線的狀況,那麼幕後創作人又面對怎樣的處境?黃偉文日前在IG出post表示,除了叫外賣沒有甚麼大支出,更在一星期填好三份歌詞。《01眾樂迷》致電同為創作人的林家謙,他表示:「幕後嘅收入又冇乜點影響,反而多咗時間喺屋企寫歌、編曲;而幕前演出就有幾個project同演出都取消咗,不過收入都OK嘅。因為本身都唔係得別多幕前演出。因為創作人唔似其他崗位咁要一個固地嘅地方,反而樂手、聲音工程、台燈聲嘅同業影響比較大。」

身為作曲人的林家謙表示目前收入影響不大,因為創作人沒有固定工作地點,現時留在家中的時間專注作曲、編曲。(資料圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。