歎息橋|Mike Orange舉行原聲大碟演奏會:試下為配樂賦予另一生命

撰文:劉傳謙
出版:更新:

早前觸執毛結他及鍵盤手Mike Orange為ViuTV劇集《歎息橋》配樂,他直言《歎息橋》劇情較複雜,於是一改其他電視劇採用音樂庫歌曲作為配樂的習慣,決定用製作電影配樂的方法創作,以一己之力在四個月內製作出五十多首原聲帶,原聲大碟更已上載至音樂串流平台。近期Mike Orange除為陳蕾新歌《娑婆》編曲外,更宣布7月24日將舉行《歎息橋原聲大碟演奏會》,嘗試用另類方法呈現電視劇配樂。

歎息橋|觸執毛Mike Orange操刀配樂 棄罐頭音樂呈現羅生門劇情

Mike Orange將在7月24日,於西九文化區藝術公園自由空間大盒舉行《歎息橋原聲大碟演奏會》。(Mike Orange Instagram圖片)

在香港,不少演奏會都會選擇電視劇或電影配樂作為表演曲目之一,但從未試過如Mike Orange自資籌備的演奏會一樣,以單一電視劇配樂為主題。他接受《01眾樂迷》訪問時未有透露今次演奏會所投放的金額,只表示將運用自己積蓄作這次新嘗試。當初觀眾對《歎息橋》配樂印象深刻,評價正面,於是決定製作原聲大碟,如今他再受湯駿業鼓勵,才萌生舉行演奏會的念頭:「佢上網聽完隻碟覺得好聽,就同我講『你應該要用呢啲配樂做啲嘢』。」

點擊大圖睇下Mike Orange最鐘意邊幾段配樂嘅劇情!
+10

Mike Orange認為配樂不應只是伴隨電視劇或電影,於是希望重新演繹今次隨《歎息橋》而誕生的音樂,為支持者帶來另類體驗:「之前我哋聽呢啲音樂都係睇住套劇,其實我想試下現場聽,睇下如果放喺演奏廳度,冇咗劇集嘅畫面會變成點。」他亦希望透過今次演奏會,助樂手朋友解決燃眉之急:「依家越嚟越多歌手話搞線上演唱會,而呢個係一個真正嘅演出,可以請啲樂手朋友幫手,如果再冇呢啲實體show,可能佢哋都會轉行,到其他人想開演唱會嗰陣,啲人才會唔見晒。」Mike Orange亦相信政府及場地政策有助保障觀眾安全:「本身個場可以坐400個人,依家只係開一半,而且座位表已經安排好觀眾隔住坐。當然觀眾都要保持個人衛生,帶口罩。」

Mike Orange相信,《歎息橋》配樂在脫離劇集畫面後會為樂迷帶來另類體驗。(影片擷圖)
點擊大圖睇更多《歎息橋》劇照!
+16