樂壇核數師│何雁詩新歌終打入903 仍無緣到ViuTV宣傳:要尊重TVB

撰文:劉傳謙
出版:更新:

出身自無綫(TVB)歌唱節目《超級巨聲》的何雁詩(Stephanie),上年11月約滿離開星夢娛樂後,改以「獨立歌手」身份繼續工作,並以《致有夢想的人》開展「夢想三部曲」。上星期,第二部曲《絕望時請點播》成功更打入「903專業推介」,是Stephanie自2010年參加《超級巨聲》至成為歌手以來,第一首「903」上榜歌,今周從第17位上升至第11位,在「中文歌曲龍虎榜」更打入前十位置。不過目前仍為TVB藝人的她坦言,「獨立歌手」其實並不完全獨立,在歌曲製作及宣傳上仍有限制。

劇集劇純粹作宣傳工具 難打入電台榜

Stephanie的派台歌並非清一色屬劇集歌曲,在2013至15年MusicNEXT時期,她曾推出《綿羊仔》、《線上情歌》等作品,可惜反應一般;到2015年3月加入星夢後,派台歌就改以劇集歌曲為主,但4年間仍有《只想可以跟你走》、《包庇》等非劇集單曲,但從未有一首歌能打入「903專業推介」。

Stephanie接受《01眾樂迷》訪問時指,劇集歌要登上電台排行榜確實有一定難度:「本身我以前唱比較多劇歌,但係因為變咗會幫助宣傳套劇,所以本身劇歌都係難啲上電台榜嘅。」被問到相關結果會否與星夢和商台關係有關,Stephanie並不認同:「星夢以前都有Alfred(許廷鏗),依家又有Hubert(胡鴻鈞),佢哋(作品)都有上過903嘅榜,出席過佢嘅頒獎典禮。我覺得主要係同曲風有關,以前唱嘅曲風未必係903(DJ)會鍾意、選擇嘅音樂,所以今次第一次上到都好開心。」

Stephanie最近推出新歌《絕望時請點播》,她不時在IG上載拍攝MV的花絮。(何雁詩Instagram圖片)

與無綫仍有合約 新歌無緣登上ViuTV

既然Step已成為「獨立歌手」,難道《絕望時請點播》能有機會挑戰「Chill Club推介榜」,甚至登上《Chill Club》舞台?其實Stephanie在TVB的經理人合約尚未完結,所以縱然歌唱事業獨立出來自行經營,但事實上仍然有藝人合約約束,並不是真正「獨立」,她亦坦然將自己作品派台到「Chill Club推介榜」有一定難度,甚至出歌亦受限制:「其實我出到呢首歌,都要多謝TVB畀呢個機會我可以自己出。因為依家就算我獨立自資,都要透過公司批准先可以(出歌),所以呢方面都想尊重公司。」

不過Stephanie坦言十分渴望他日能登上《Chill Club》舞台:「如果要上ViuTV都有少少困難,始終我仲係TVB嘅人。不過我都好想有機會上去宣傳下,因為依家自己做歌都冇以前咁大嘅平台(宣傳新歌),有機會嘅話,乜嘢平台都想試下上。」

Stephanie老公鄭俊弘在出道初期也有「903專業推介」上榜歌。(何雁詩Instagram圖片)
點擊大圖睇2020年第31周樂壇排行榜走勢:

「903專業推介」Top10:

+5

「勁爆本地榜」Top10:

+5

「中文歌曲龍虎榜」Top10:

+5

「Chill Club推介榜」Top10:

+5

「勁歌金榜」Top10:

+5
發表評論...