泳兒與《溝渠暢泳》MV男主角大跳貼身舞 男友監場望到實

撰文:
最後更新日期:

泳兒(Vincy)於25日推出今年第一首派台作品〈溝渠暢泳〉。去年年初,Vincy找來合作多年的詞人周耀輝為整年的歌曲擔任概念指導,輝哥與Vincy決定以「花」作為主線,透視她心中的種種遐想。今年,輝哥再為Vincy操刀,合作「溝渠project」。

We are all in the gutter, but some of us are looking at the stars.
Oscar Wilde

Vincy表示歌曲創作露感來自英國詩人Oscar Wilde的名言,她認為這是一句很大鼓勵性的說話:「我哋生活裏面成日都會遇到一啲解決唔到嘅問題,或者一啲挫折,感覺就好似跌入咗溝渠,但無論遇到乜嘢困難都好,有啲人係永遠都抱住一個奮鬥嘅精神、好正面嘅態度,就算跌入溝渠,佢都可以望到天上面嘅星星,永遠有希望。」

+8
+8
+8

Vincy透露一收到歌詞自己在家中練歌時一度爆喊,「非常之有血有肉,雖然佢嘅描述得非常之抽象,但有好多句字我覺得係直插入我心裏面。」至於作曲方面則找來第二次合作的馮穎琪,去年她為Vincy寫了〈花心〉,今年再挑戰難度,Vincy說:「我問佢點解會寫〈溝〉俾我?佢話因為覺得寫完〈花心〉俾我之後,覺得我可以再挑戰一首難度更高嘅歌曲。」

MV中,Vincy飾演男主角心中的陰暗面,要令男主角馴服於她,導演Matthew要求二人以舞蹈表現出來,因此MV中二人有不少親密接觸,Vincy笑說:「導演話要同佢跳舞,其實前幾日我睇到reference嘅時候,我以為係一隻好優雅、好似跳華以茲嗰啲舞,點知一埋位原來係要貼身咁跳。因為MV入面我係要控制佢,而佢係一個冇靈魂嘅人撻咗喺我身上。初初都有啲尷尬,頭幾shot係有啲崩緊,慢慢就進入咗狀態。」

跟男主角跳貼身舞,問到Vincy是否得到男友批准?Vincy說男友有「監場」:「佢都喺現場……幫我整頭,哈哈。」

【相關圖輯】10大本地MV演員逐個數 韋羅莎踩過界與麥浚龍合唱:

+58
+58
+58

【本文獲「KKBOX」授權轉載,立即下載KKBOX App收聽5000萬首中外日韓歌曲!】



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。