【興民起義】商場被變賣 事前零消息 關注組:要長者抬米上山?

撰文:
最後更新日期:

柴灣,約6,000人住在山上,有街市、酒樓、商場,齊備生活所需,那裡喚作興民邨。2016年,領展以兩億賣掉商場,邨民一無所有,僅剩一間百佳和一部ATM,那條邨變成柴灣孤島,當中有900名老人。邨民成立興民邨關注組--「山民主義」,為了山上一群人。

攝影:黃泳樺

山民主義成員Anna(左)和Angel自言沒有爭執過,大家目標一致。

有乜可能我要睇網媒先知?冇呀,佢(興民區議員劉慶揚)冇提過呀,有乜可能咁大件事冇通知?
關注組成員Anna

興民議員「失蹤」不知商場被賣

這個故事關於山上的一群邨民。

山民關注組核心成員只有六人,包括區議員徐子見,有點人丁單薄。只因興民邨6,000名居民,近千名為長者,是條老邨。「老人家都有火㗎!」成員Anna說。Anna和Carmen是組內的「老」邨民,落成35年的興民邨,她們住了21年,由出生至今。

上年11月初,Anna從獨媒報導才得知興民商場被賣,溫和的語調忽然變得高音:「有乜可能我要睇網媒先知?冇呀,佢(興民區議員劉慶揚)冇提過呀,有乜可能咁大件事冇通知?」Anna不再信當區議員,反跑去找漁灣區區議員徐子見,「原來已經有幾個邨民搵佢(徐子見)幫手,佢幫咗我哋好多。」

其實早於2015年區選,另一成員Angel已從新聞留意到,領展將出售旗下5個商場,其中一個是興民商場。Angel走到正在拉票、尋求連任的區議員劉慶揚面前,問這是怎麼一回事,「佢反問我『係咩?』。」2016年6月,Angel赫然發現興民商場已成功出售予傑豐有限公司,「我上『傑豐』個網起底,咩都冇㗎!地址都冇,3月註冊,6月買興民。」她第二次問劉慶揚,寄出一堆新聞資料,等了一個月,劉議員沒有回覆。

柴灣孤島-商場停業-超市或執笠-興民邨6-000居民僅餘一部ATM 【柴灣孤島】興民商場「活化」後僅餘5間舖 商場打通傳變國際學校

興民邨有900名長者。

靜坐失敗 反重燃希望 成立「山民主義」

議員「失蹤」,幸還有同路人。各人憶起抗爭路,又嬲又笑。「第一次靜坐,整左一大堆牌,押哂韻,但冇用到。」Anna笑說。

11月尾,Anna、徐子見、幾個邨民擺第一次街站,又準備在劉慶揚派米時靜坐抗議,順道向老人家解釋發生什麼事,怎料一落樓:「又有保安、警民關係科,平時派米都冇咁多人!第一次見咁多人(保安),好淆,勢色不對,牌沒有舉過就走。」Anna藏好一大堆紙寫着「興民孤島,管理冇譜」的紙牌在身後,撤退。人多的概念是相對的,在網上呼籲時只有三、四個邨民響應,後來僅得一對夫婦到和Carmen到場。

Anna自言沒心灰,語調轉回興奮,「好開心,發現原來有人同你諗法一樣!反而重燃希望!」那對夫婦中的太太便是Angel。一個人做或許是傻,幾個人一起跑下去可能變成熱血,所謂的「撤退」並非躲回家中,幾個邨民立即在空地策劃成立關注組、想名字、Logo和下一步。

於是,「山民主義」在靜坐失敗後誕生,取自孫中山的三民主義(民族、民權、民生)諧音,亦代表「山」上邨「民」的意思。

離興民邨最近的興華商場,需要經過一條斜路,來回步行約30分鐘,惟興民邨人口老化,對長者甚為不便。

但好似愈來愈多人覺得冇問題,接受咗。接受咗?咁樣唔得㗎喎。
關注組成員Anna

老人家投民建聯 不等於要自作自受

點解要企出嚟?分別跟三個女生做訪問,答案卻一樣。

21歲的Anna第一個反應是「老人家好慘」,同年的Carmen說:「婆婆每次都叫我幫她抬米上樓,如果連樓下的百佳都冇咗點算?」已為人妻的Angel老實道,「冇街市,工人會到其他區街市買餸,我自己會團購,後生上個網就得,又有能力出去,但老人家呢?」

有網民以食花生心態,冷眼旁觀道:「抵死」、「鬼叫啲老人家投民建聯咩」。批評容易,改變艱難,有老人家或許覺得後生「搞事」、轉眼下次又投民建聯,關注組當夾心不難受嗎?Anna倒是豁達,「我明白點解佢地鐘意民建聯嘅,因為民建聯表面上,解決到佢地最基本生活需要。派個糉、派包米,有種關心感覺。對老人家嚟講係最有用嘅野,所以未必關心政策。」政治離不開生活,老人家不懂,也未必有能力了解-「呢條邨好多老人都唔識字」Anna體諒,「但好似愈來愈多人覺得冇問題,接受咗。接受咗?咁樣唔得㗎喎。啲老人家其實唔識,萬一百佳都執咗,包米都要抬個成鐘先返到屋企。」

難敵領展瘋狂加租-強逼裝修-大圍28年冬菇亭三店同時結業

2016年,領展以2億把興民商場賣給予佛山順聯集團期下的傑豐有限公司。

Carmen嘆一口氣,「今次係興民,下次就其他地方。」她憂心會出現興民翻版,如邨民般後知後覺,「究竟佢地幾時先會醒?」

關注組可以令邨民醒來嗎?自救期間,竟然受到恐嚇,險被「爆樽」?然後一句「好過翹埋雙手喺屋企瞓教,等個商場變」又繼續走下去。詳情請看:【柴灣孤島】領展賣商場 21歲女邨民組團自救 遭恐嚇 險被爆樽

關注組正研究新商場圖則。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。