【領展翻新】半個街市變冒險樂園 大埔街坊買餸冇得揀

撰文:
最後更新日期:

領展旗下的街市、商場翻新一浪接一浪,裝修過後,環境改頭換面之餘,設置更隨時「大縮水」,市民的生活、購物習慣亦隨之受到影響。大埔區區議員任啟邦指,大埔富善街市完成翻新後,領展竟將原本街市的一半範圍租予冒險樂園,令街坊買餸變相少了選擇!

大埔富善街市早年已有空置率高的問題,街市翻新前,110個檔位中只有5、60個有人承租、營運,任啟邦直指,是和領展的管理有關:「空置嘅原因係領展唔租出去,另一方面又加租,變咗有啲商販做唔住就撤出、離場。」

2015年街市翻新工程正式展開,領展當時計劃先翻新街市的一半範圍,完成後再就剩餘範圍展開工程,惟期間出現變數:「搞搞下,佢話嗰半個街市要嚟做零售、食肆,咁我哋嗰時都覺得冇計,空置率咁高,佢咁安排都無可厚非。」任啟邦說,殊不知這半個街市最後變成了冒險樂園,而居民和議員更是在領展和租戶簽訂合約後才得知此消息。

大埔區區議員任啟邦斥領展翻新街市後,將街市一半範圍租予冒險樂園。(大埔區區議員任啟邦提供)

「依家大約有7,000呎範圍用咗嚟做冒險樂園,入面係冇任何間隔打算做其他舖位。」任啟邦直斥此舉不合理:「本身明明係街市範圍,而家變咗娛樂場所,同個原意唔同咗,係兩回事!」

現時富善街市只有4、50個檔位,售賣的貨品種類雖夠,但任啟邦認為少了同類型商舖令同行間的競爭減少,街坊亦少了選擇,以致不少年輕的街坊會選擇步行10多分鐘,到大元邨街市或大埔墟市政街市購物。雖然行動不便的長者和晚歸的雙職婦女,仍會留在富善街市購物,惟人流少了,加上租金壓力,任啟邦指商戶經營亦見困難。

現時街市只剩4、50檔,任啟邦認為街坊買餸少了選擇。(大埔區區議員任啟邦提供)

任啟邦認為,即使屋邨商場和停車場已分拆售予領展,但房屋署仍有責任監管,領展的做法是否有違地契:「地契上面講明會提供街市設置畀居民,但有冇同係唔係足夠係兩個問題。」他昨(9日)出席立法會公屋及居屋商場、街市及停車場事宜小組委員會公聽會時,已署方獨立審查組跟進有關事宜。

領展回覆《香港01》時指,該處的優化工程參考了市場調查結果,亦有與區議會、區議員、屋苑法團等持分者溝通。而翻新過後,提升後,街市及零售商舖會繼續提供蔬果、肉類、副食品,滿足居民的基本需求。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。