美國回流大學生寄出50份CV冇回音 林先生:保安牌好似仲有用

撰文:梁煥敏
出版:更新:

找新工作為所有畢業生必經階段,疫情之下,不少公司為了減少開支削減人手,作為剛投入市場的生力軍來說,競爭變更大。於美國西雅圖讀大學的兩名應屆畢業生,分別已寄出50個及100個求職申請,暫時仍未找到工作,坦言心情平靜但有點無奈。
其中就讀市場學的林先生,剛回香港找到一份人力資源工作,但公司無奈地於第三波疫情中倒閉,令他「一場歡喜一場空」,但他有另類安慰自己的方法,「唔係得我搵唔到工嘅,好多人都係咁,國泰港龍嗰啲做好多年都突然冇嘢做啦,都冇話邊個慘啲。」又慨嘆現時可能投考保安員執照,可能更為有用。

+11

勞工處於今日(28日)及明日在灣仔修頓室內場館舉行大型招聘會,46間機構提供超過2500個職位,吸引部分年輕畢業生一碰運氣。林先生與陳先生剛於美國西雅圖的大學本科畢業,二人同樣為市場學系學生,於四月回港至今暫時未有穩定工作。其中林先生表示,剛於四月回港時,曾經於短時間內找到一份人力資源工作,當時為第二波疫情,滿懷希望的他,於公司工作了大約三個月後,卻因為捱不過第三波疫情下,公司突然倒閉,他頓時變回失業大軍,尋找緊50份工作仍未能夠投入市場,心情平靜但有點焦急,「依家每日嘅例行公事都係起身去勞工處、JobsDB等睇吓有咩工作啱,好似成為咗工作咁。」

他説,由於自己未曾有相關工作經驗,早已預計難以找到學科相關的工作,因此,現時只憑感覺去找工作,只要符合資格,工作環境尚可,便會申請有關職位,「就算係物業管理,保安我都有去見過, 50份工裡面有大約10份以下都真正有見過工,但係未有回音,我覺得,要考個保安牌好似仲有用。」他認真地說有計劃去投考保安相關職位,希望盡快能夠有工作經驗,豐富自己人生。

林先生(左)及陳先生(右)為美國回流大學生,多月來未找到合適工作感到徬徨。(梁鵬威攝)

對於長期被找到工作,心情一定有所影響,但他坦言現時尚算平復,並且得到家人支持,「屋企人都會話而家日日都搵唔到工,好正常,所以都唔算有咩壓力俾我,我都會覺得,國泰港龍嗰啲都好慘啦,做做下都冇得做。」只有學生簽證的他,因為不能經美國工作而回港,疫情之下,他認為倘若一日未有疫苗誕生,全球的經濟亦難以回復正常,「我因為係學生簽證所以冇喺美國工作,但係當地嘅情況都唔係好。」

他的朋友陳先生多個月來寄出100份求職申請,暫時仍未找到適合工作,雖然有點焦急但仍坦然面對,暫時協助家人打理生意,「我真係想投入下去其他公司工作,盡量攞多啲經驗。」他說,疫情下,家人了解其情況未有大力催促,大多只是自己給自己的壓力,「我始終想畢咗業後唔好靠屋企,但係而家真係好難。」

而就讀城大社會科學系的李先生表示,今年的職位空缺較以往少,要找工作花時間多,但認為現時情況較外界所上的差,「我都有同學搵到工,唔係大家所講到咁差,但係我個科真係冇乜嘢工作啱,所以我都係搵物業管理。」他認為理想的薪金大約為1.4萬元,「如果得1.1萬至1.2萬元,我就真係要考慮吓做唔做。」

發表評論...