新冠疫苗|即日籌擴至12歲或以上學生 大學生:就開學「趕打針」

撰文:黎倩婷
出版:更新:

不少學生趁暑假結束前接種疫苗,今天(27日)起疫苗接種中心免預約「即日籌」安排擴至12歲或以上學生,每位學生可由最多兩名人士陪同接種,陪同者亦可一同接種疫苗,即日籌每日早上7時45分開始派發,派完即止,在中山紀念公園體育館疫苗接種中心,今早約8時已有家長帶子女冒雨領取即日籌打針,亦有大學生指因學校要求需「趕打針」。

+1

新學年將至,政府早前公布,疫苗接種中心今天(27日)起向12歲或以上學生派發即日籌,可於當日指定時段到場接種疫苗,毋須預約,每名學生可由最多兩人陪同接種疫苗,陪同人士也可一同接種。在8月份內,24間社區疫苗接種中心每日合共派發約4,600個即日籌。

王同學指雖擔憂疫苗副作用,但不接種疫苗便無法進入校園,故今天「趕住嚟打針」。(何家達攝)

科大生:就嚟開學趕住打針

就讀於香港科技大學的王同學今早約10時到中山紀念公園體育館領取即日籌,因大學要求學生需接種疫苗才能入校園,故需趕在開學前打針,「大學要我打啊嘛,一係就打針一係就做檢測,本身都唔想打,不過都無辦法,唔打就入唔到校園。」他稱,每兩星期做一次檢測費用昂貴,但又擔憂疫苗副作用,「聽同學講會發燒、手痛,不過依家都理唔到,因為都就嚟返學,所以趕住落嚟打。」

.帶兩個女兒前來打針的姜女士(左)指,「返學咁多人一齊(上堂),唸住打咗安心啲,宜家都就嚟開學。」(何家達攝)

市民擔心開學太多學生一齊上堂:打咗安心啲

姜女士帶同就讀中二及中六的女兒前來打針,她指自己早已接種疫苗,但到今天才帶女兒來打針,「返學咁多人一齊,唸住打咗安心啲,依家都就嚟開學。」她說,留意到新聞有即日籌今日才來,「安排幾好呀,想打就可以過嚟打」。她指,由於疫苗有一定副作用,所以要觀察多一段時間,才決定今日帶女兒前來接種疫苗。

+21