牛角與食客爆和牛風波 黃傑龍發文後首開腔:唔會形容客人係西客

撰文:鍾妍
出版:更新:

網上群組有人投訴燒肉店「牛角」和牛質素差,圖文並茂質疑以劣質牛取代貴價牛,觸發「牛角」母公司、叙福樓集團主席行政總裁黃傑龍網上發3,000字長文逐點反駁。黃傑龍今午(20日)回覆《香港01》稱,食客投訴每日都收到,但今次客人於多個討論區發文,又一日內多次要求他回覆。最關鍵是,食客不是不滿「牛角」食物難食,而是指控蓄意詐騙,故必需親手撰寫回應,期望客人「過咗啖氣冇事」,也不會形容任何客人是「西客」,收到意見會參考改善,有助餐廳進步。

敘福樓主席黃傑龍。(資料圖片 / 余俊亮攝)

食客投訴牛角和牛質差 老闆黃傑龍千字文反駁:食咗百碟先唔畀錢

親身回應因指控非單純好吃與否 涉「牛角」蓄意詐騙

事件網上發酵兩日,黃傑龍接受《香港01》訪問時表示,旗下40間分店,每張桌上都有其電郵及facebook帳戶,因此每日都收到客人回饋意見,有約3至4成屬投訴。面對眾多投訴,今次選擇在網上發千字文回覆,主要因該客人第一時間就上網發炮:「而且係寫咗去非常多群組,十個八個不斷廣發,噚日星期日,去咗我facebook3至4次,問係咪唔敢覆?」黃指,其指控非單純好吃與否,言辭指「牛角」蓄意詐騙,故選擇親身在回覆。

收到投訴必定跟進:好多客人由投訴變朋友再變熟客

他說,過去收到投訴都會調查跟進:「好多客人由投訴變朋友,仲變熟客。」黃期望藉每次投訴作改善,問到近年香港客人是否愈來愈麻煩,黃傑龍說:「唔會形容佢係西客,指做生意最重要做好自己,有嘅咪參考改善,冇嘅咁就做好自己。」

期望事件告一段落 因僅小事一椿

他期望事件可以告一段落:「都多謝大部分人,睇到都理性,知道係咩事。」他指今次僅小事一椿,不值得大家再去花時間,亦希望事主「過咗啖氣冇事」。問到會否反追究事主不實指控,他斷言沒有此考慮:「食餐飯唔係大件事到咁,(退回)800幾蚊好少事。」他指,除非對方到消委會或海關投訴,他們會按程序應對,其餘情況也都不會再有進一步行動。

事主使用他人的會員卡 相關會員卡已凍結

由於事主承認使用他人的會員卡,並被揭是在網上平台租用,有違使用條款,黃傑龍說今早已立即凍結有關會員卡,除非卡主表示遭人盜用或有合理解釋,否則會被取消會員卡。

+1
+4
發表評論...