海洋公園水上樂園開幕 市民戴口罩瀡滑梯濕晒:帶咗10個入場

撰文:梁煥敏
出版:更新:

海洋公園水上樂園於今日(21日)中秋節早上10時正式開幕,海洋公園主席劉鳴煒一早到來了解入場情況,並透露未數星期的「紅日」假日及周六日,大部分日子的門票已售罄,強調價格會隨着旺淡季有所調整「返學日子會平啲,暑假會調整價格。」今日早上氣溫超過攝氏30度,劉鳴煒大汗淋漓笑説,「天氣真係非常熱,相信11、12月都好適合去水上樂園。」
水上樂園方面要求入場者由一個設施到另一個設施需要戴上口罩,但不少人口罩完全濕透,黏著口鼻,有人表示已經帶有10個口罩,亦有人呼籲往後到場人士說,「場內買口罩比較貴,帶定防水袋擺定口罩穩陣啲。」

海洋公園水上樂園今日(21日)開幕,有市民戴着口罩衝落八彩天梯。(盧翊銘攝)
海洋公園水上樂園今日(21日)開幕,公園呼籲到場市民上水後走到另一遊玩區時要戴上口罩。(盧翊銘攝)

海洋公園水上樂園於今日(21日)中秋節早上10時正式開幕,園內設27個室內及戶外玩樂設施,分佈在5大主題區域中。雖然今日是中秋節,但早上氣溫仍維持約30度,感覺非常炎熱,海洋公園主席劉鳴煒一早到來了解入場情況,同樣「大汗叠細汗」。

劉:門票不會加至2、3000元

他表示,首日的入場人次理想,而未來數星期的「紅日」假日及周六日,大部分日子的門票已售罄,「今日係正常要返工返學日子,都有咁多人嚟,相信反應的確幾好。」公園早前曾表示,水上樂園的入場定價會有浮動,劉沒有正面回應有否設有上下限,只表示價錢不會為「天價」,「我哋係有既定嘅價錢,返學嘅日子會平啲,夏天暑假價錢會調整,但係當然就唔會去到二、三千蚊。」

海洋公園主席劉鳴煒表示,冬日水上樂園如常開放,五個戶外設施有機會暫停。(盧翊銘攝)

他又表示,水上樂園在冬季會如常開放,但於某時段部份戶外設施有機會暫停,「主要係得五個戶外設施有機會暫停,到時會有調整,但係好似而家中秋節,天氣仲係好熱,就算十一、二月來都仲係好適合。」由於疫情持續,水上樂園人數上限調整至可容納人數的一半,即4500人,劉鳴煒表示會盡量呼籲到場的遊玩人士,由一個設施到另一個設施需要戴上口罩,並有現場工作人員作出提醒。

海洋公園水上樂園今日(21日)開幕,公園呼籲到場市民上水後走到另一遊玩區時要戴上口罩。(盧翊銘攝)

水上樂園多個景點今日正式開放,早上10時,若有數百人在場內遊玩,不少遊人甫到到多個走上滑梯感受一下,部分人戴上口罩,玩畢第一個滑梯時口罩完全濕透,黏著口鼻,前後不足20分鐘,大呼「要換啦!」其中就讀小學的周同學説,「要行上去再玩,但口罩好快濕晒,我姨姨幫我帶咗十個口罩,好多!但要行去玩,而家要換一個啦!」

就讀小學的浩賢帶了10個口罩。(盧翊銘攝)

葉太曾在海洋公園工作,見證着樂園開幕,與丈夫帶今日生日的兒子到來玩耍,亦大呼好玩,雖然有帶備口罩,但由於玩滑梯前放到開始的地點,玩滑梯後要走上百級樓梯取回,「呢個的確有少少麻煩,同埋攞locker(儲物櫃)嘅時候,指示唔係好清楚,我哋好難先搵到個工作人員去問,可能呢樣嘢要睇一睇。」建議公園在疫情下為市民提供口罩,或設有口罩放置地方,同行的葉先生表示體驗不錯,但有一點要多加注意,「我哋租最細嗰個locker,但係價錢要120蚊,嚟到見到都覺得幾貴,政府場唔使錢,呢度要俾呢個我明白,但係普羅大眾嚟講係會有啲貴,100蚊以下會好合理啲。」

吳女士她與丈夫花費120元租用尺寸最細的儲物櫃,剛剛足夠擺放兩個人的基本行李。(盧翊銘攝)
+14

吳女士與丈夫有所準備,將口罩放入潛水袋隨時更換,「我帶定六個口罩出嚟,因為入場買真係好貴!呢度係的確幾好玩,值得來玩,但係入場買嘅嘢有啲貴。」她説,她與丈夫花費120元租用尺寸最細的儲物櫃,剛剛足夠擺放兩個人的基本行李,即毛巾及衣物,「如果平少少, 100蚊內比較合理。」記者發現,水上樂園內的精品店,可循環再用環保布口罩價錢大約為80元一個,防水袋大約200元內一個,想玩得化算,入場人士要多加留意。

▼9.20海洋公園舉行水上樂園開幕儀式▼

+7