全民檢測|袁國勇指本港難抄內地 效果料較低 欠幾項措施難清零

撰文:歐陽德浩
出版:更新:

第五波疫情失控,本港今日(3日)再增逾5萬宗確診個案,據了解政府擬定於本月底推行全民強制檢測,並會實施局部「禁足令」。政府專家顧問、港大微生物系講座教授袁國勇今日(3日)表示,擔心疫情將一直橫行至所有港人確診,「佢(疫情)可以唔落返嚟,一路橫向繼續有病例,直到700幾萬人口都感染咗先停落嚟。」
袁又指,香港與內地的情況不同,沒有健康碼及完善的人面識別系統等,同時隔離設施不足,估計現時推行全民檢測,效果將相當低,「香港要自己搵一條路出嚟,然後去決定香港嘅方法,係幾時做最好。」

▼3月3日 港大微生物系專家袁國勇到西環新萬福護理院視察▼

袁國勇今日到訪一間護老院為長者接種疫苗後與傳媒會面,被問到疫情是否已見頂。他強調,「唔係淨係擔心上咗頂未,係佢(疫情)上頂之後落唔落返嚟。佢可以唔落返嚟,一路橫向繼續有病例,直到700幾萬人口都感染咗先停落嚟。」他指,確診數字持續高企,將影響最有效推行全民檢測的時間,亦減少大廈污水檢測的效用。

袁:內地有健康碼、監視器、街道屋苑組織

袁認為,內地推行全民檢測確實具有效用,能夠將個案清零。但他認為,香港與內地的情況不同,內地設有健康碼,擁完善的人面識別系統及監視器,且每個屋苑及街道均設有組織追蹤患者。「香港全部都冇,香港要自己搵一條路出嚟,然後去決定香港嘅方法,係幾時做最好。」

▼3月3日 啟德隔離設施興建地盤▼

+14

憂隔離設施不足拖低全民檢測效果

袁續指,若在隔離設施不足下推行全民檢測,效果將相當低。他舉例指,政府需考慮如何支援獨居者,亦需解決病人覆診或取藥等問題,在完善所有配套後才可推行,相信衞生防護中心正密鑼緊鼓準備。

他亦建議,繼續加強社交距離措施,待確診數目減少,或下降至數百宗後,同時隔離措施能接收所有患者及密切接觸者,屆時則最有幫助。「日日仲係5萬宗,走去全民檢測,我睇就係幫助唔大,跌到幾百宗既時候就可能好有幫助。」

你可能感興趣