晚市堂食|灣仔小店生意跌五成老闆娘盼早放寬 感恩熟客助渡難關

撰文:孔繁栩
出版:更新:

政府今日(21日)宣布,最快4月21日起逐步放寬晚市堂食及四人一枱。有在灣仔開餐廳的老闆娘表示,開業三年經歷兩年疫情,在政府禁晚市堂食下,生意大跌五成,自己要再「扲荷包」維持經營,感恩有熟客及業主支持,期望下個月「坐多兩個人,就可恢復多三成生意。」
老闆娘同時經營美容院,慨嘆停業零收入,但不希望解僱任何一名員工,「每個人都要生活,我做得幾多得幾多,錢係可以搵得返」。她指現階段會籌備重新開業,希望大家能保持樂觀,「唔好再諗以前,一開返就去做。」

▼港府擬4月21日起分階段放寬社交距離措施▼

+4

Red Pocket Cafe 老闆曾小姐表示,禁晚市堂食對飲食業影響很大,生意額較以往大跌五成,「雖然灣仔係商業區,又有政府大樓,但自從WFH後少咗人返工、又無人OT、無人買外賣,夜晚條街無人。」

過去多月,曾小姐的餐廳只靠早餐及午市維持生意,深感經營壓力,自己要額外注資確保餐廳運作,慶幸業主富人情味,願意調整租金,共渡時艱,「呢段日子惟有盡自己所能,好感恩熟客嘅支持,有客人因WFH(在家工作)成個月,都有特登落嚟睇下我哋點,真係好靠熟客嘅支持。」

現時每日確診數字徘徊逾萬宗,曾小姐坦言,明白疫情無可能一下子跌落3位數字,但仍希望政府可以加快放寬營業限制,「依家只能兩人一枱,影響好大,坐多兩個,又多返啲生意啦,希望4月可以回復到兩至三成。」

曾小姐同時有美容業生意,自年初起已經停業,慨嘆「損失慘間餐廳」,「唔開得工,惟有靠自己頂硬上,員工呢段日子都各自己搵嘢做」,她稱停業時間糧照出,租照交,仍沒有解僱任何員工,「每個人都要生活,我做得幾多得幾多,錢係可以搵得返,所以要保持樂觀,其實我只有呢個能量。」

+2

晚市逐步放寛,不少打工仔都表示歡迎,市民梁先生期待下個月外出晚膳,他指病菌不會晚上才出沒,即使上午都有機會「中招」,質疑政府禁晚市決定,「依家一街都係人,數字又無明顯下降,好似禁同唔禁都差唔多。」

何先生就指,現時確診人士病情未算嚴重,希望可以加快放寬晚市及限聚令,「呢段日子生活麻麻地,好唔方便,亦有好多餐廳捱唔住,真係愈早放寬愈好。」有做運動習慣的何先生最希望,能盡早重開健身心,他指單靠日常體能訓練不足夠,這段時間肌肉流失,身體亦「無咁fit」,「明白確診數字係高,但個人好似無乜自由咁,又無乜選擇,出街都唔似出街。」