李家超賀將結業藥行生意好 老闆:無反感 冀新特首勿阿茂整餅

撰文:黃金棋
出版:更新:

下屆特首選舉唯一候選人李家超周日早上(24日)首度落區,他途經油麻地一間貼上「光榮結業 多謝支持」大字的藥材行時,向店內表示「生意好呀」,引起網上熱議。
藥材行負責人阿Nick今日(25日)對《香港01》記者表示,認為「生意好」只是普通問候語,「好生意又好、你好又好,都係隨口問候,無乜特別。」他亦對李家超祝賀沒有反感。但他指作為商戶,寄語新一任特首「唔好搞咁多嘢,香港人好叻,唔使靠阿爺,唔好阿茂整餅。」

開業逾半世紀 賣完存貨即結業

位於油麻地的信和藥行於窩打老道開業58年,負責人阿Nick指藥材行已傳數代,過往不少人持藥單到店舖「執藥」。不過他表示,近年行業逐漸式微,現時中醫師大多自行開藥粉;加上原本過往在該藥材行執業的中醫師亦相繼離世。

業行敵不過時代變遷,他預料賣完存貨就會結業,而店舖門外亦貼有「光榮結業 多謝支持」、「有緣再見」等大字。

特首選舉唯一候選人李家超昨早(24日)首度落區,不過他途經油麻地一間貼上「光榮結業 多謝支持」大字的藥材行時,向店內表示「生意好呀」,引起網上熱議。(資料圖片 / 鄭子峰攝)

對於李家超昨日向藥行問候「生意好」,阿Nick指昨日有見到李家超行過,不過未見聽到他說話,亦不知店舖成網上熱議話題。他又笑言,對李家超問候沒有反感:「『比卡超』(網民用詞戲稱李家超)我都認同麻麻地,不過問題係唔好咁苛求,(生意好)好似見到人講聲你好咁。好生意又好、你好又好,都係隨口問候,無乜特別」。

冀特首不作為:香港人好叻,靠自己就得,唔使靠阿爺幫

阿Nick又認為,現時香港經濟情況不景,希望大家心平氣和,「心態正面啲」。被問到作為商戶,對李家超有何寄望?他希望李家超可做到「不作為」:「唔好搞咁多嘢,香港人好叻,靠自己就得,唔使靠阿爺幫,唔好阿茂整餅」。

經營58年的店舖即將告別,阿Nick憶述過去亦有輝煌時刻:「以前排隊睇中醫、排隊執藥大把啦,但可能香港人身體好咗,唯有咁諗。」對於結業告別老街坊,他亦沒有太多不捨及傷感,因為一直見證行業式微,現時已接受現實,「唔係突然間無生意,𠵱家我自己病咗都唔煲茶啦,啪粒藥算。」

你可能感興趣