告別疫苗通行證 「零針」長者10個月來終於酒樓嘆茶:自由啲!

撰文:陳葆琳
出版:更新:

「疫苗通行證」實施逾10個月,今日(29日)正式落幕,有一針未打的老人家今日急不及待到茶樓「打躉」,嘆久違的一口茶。儘管是「零針」一族,連月來亦不曾染疫,謂「打唔打針冇所謂」,對於政府取消疫苗通行證,老人家回應說:「開心啲、自由啲!人生係自由㗎嘛!」

+13

「零針」伯伯:「唔打(針)我咪幾好」

旺角倫敦大酒樓今晨近乎滿坐,不少老人家與上班前的仔女飲早茶。沈伯伯與沈婆婆一針未打,自疫苗通行證實施10個月以來,從未到酒樓飲茶。過去日子他怎麼過?他回說:「樓下街市下面都有賣點心,咩都有得賣,過嚟呢度飲個茶、食啲嘢會好啲咋嘛。坐喺度飲茶食嘢舒服啲、開心啲。」

二人對接種疫苗存健康考慮,一直過著與他人不同的「無針生活」,今日始出來食飯放鬆。對於疫下政府措施萬變,他表現豁達:「打唔打針冇所謂,打死咗好多個人,唔打(針)我咪幾好,安心。」政府終於取消「疫苗通行證」,「開心啲、自由啲!人生係自由㗎嘛。」

沈伯一針未打,十個月以來未飲過茶。(夏家朗攝)

一家七口只剩他們二人不曾打針,上周四(22日)的冬至,二人遵守政府防疫措施,留在家獨自渡過,未有與家人團聚,「仔仔女女都冇返嚟, 走埋一堆唔啱㗎嘛,政府都話唔好呀,麻煩呀嘛。」之後會否約返仔仔女女出嚟食飯?沈伯伯隨即回答「梗係要啦」。

被問及取消「疫苗通行證」,會否擔心增加感染風險,他認為全世界面對一模一樣的問題,「政府擔心啫,我哋唔擔心」,現時周圍都是確診個案,唯有自己在多人地方保持社交距離。

▼12月28日 政府公布取消疫苗通行證▼

+3

何婆婆:冇打針乜事都冇 佢哋打咗中幾針

何婆婆亦不曾接種新冠疫苗,一向不喜歡外出的她多留在家中煮飯或買外賣。隨着疫苗通行證取消,今日她被一對子女拉出來相聚,笑言對她無影響,但認為一早應該取消,「我哋呢啲冇打針乜事都冇,佢哋(仔女)打咗針個個中幾次。」

她又擔心香港即將與內地通關,內地疫情影響香港,感染風險增加,所以趁通關之前,出外用膳,之後確診個案增加,則會減少外出用膳次數。

一向不喜歡外出的何婆婆,今日(29日)她被一對子女拉出來相聚,認為一早應該取消疫苗通行證,「我哋呢啲冇打針乜事都冇,佢哋(仔女)打咗針個個中幾次。」(夏家朗攝)

酒樓常客:開心有孫仔陪我飲茶

每天均到酒樓「打躉」的鄧太已打齊針,不過20多歲的孫仔只打了兩針,因為皮膚出紅疹不願接種第三針,表明「唔想搵條命嚟校飛」。早前「疫苗通行證」限制下,孫仔亦已多月未能於餐廳堂食,一家人做節亦只能於家中相聚,對於今後疫苗通行證取消,鄧太說:「好開心,我冇影響,但佢(孫仔)可以陪我飲茶。」

鄧太表示,準備相約一大班朋友聚會「開心吓」,女兒生日快到,亦可以一起慶祝順道共眾天倫。但她指,政府放寬防疫措施,始終對疫情有影響,加上目前冬季流感仍然嚴峻,認為最重要是繼續維持口罩令,「暫時都係安全啲好」。

每天均到茶樓「打躉」的鄧太已打齊針,取消疫苗通行證準備相約一大班朋友聚會「開心吓」。(夏家朗攝)

酒樓經理料生意回復疫前八成

酒樓總經理蘇萬誠表示,政府實施「疫苗通行證」後,酒樓只有疫情前的四成生意,隨着政府大幅減少多項防疫措施,預計酒樓生意可回復疫情前七至八成。

蘇經理指,基於疫情風險及人手不足,目前酒樓仍維持過去防疫措施,包括每天清洗冷氣及抽氣扇,餐桌保持1.5米距離:「疫情前同疫情期間嘅人手係唔十足,而家想請返十足人手,又驚佢突然間爆發,又點呢?所以嚟講,盡量都希望保持現狀先,慢慢加返人手。然後人手許可嘅、疫情又許可嘅,會擴闊返營業範圍。」

晚市生意方面,蘇經理說,明年正月及3月接獲較多晚市預約,大多屬家庭聚會,市民未來舉辦婚宴亦不計劃大排筵席,酒樓生意目標放眼在同鄉會、工會、商會及學校等團體的宴會預約 。

旺角倫敦大酒樓副總經理蘇萬誠表示,政府實施疫苗通行證後,酒樓只有疫情前的四成生意,隨着政府大幅減少多項防疫措施,預計酒樓生意可回復疫情前七至八成。(夏家朗攝)
疫苗通行證12月29日取消。(陳葆琳攝)