車公廟求籤|第11籤勸覓賢才解困 誰是張良? 解籤人:非朝中人

撰文:陳淑霞
出版:更新:

兔年伊始,鄉議局主席劉業強今日正月初二(23日)車公誕為香港求得第11籤中籤,籤文為「威人威威不是威,只當著力有箴規;白登曾起高皇閣,終被張良守舊圍。 」,無獨有偶與2011年兔年同求一籤。

有車公廟解籤師傅表示,籤文寓意香港經濟危機在前,提醒港府應廣納意見 、知人善任,始能扭轉劣勢。至於「張良」是誰?解籤師傅指或是已離任官員、已移民良才,甚或是民主派中人,呼籲港府摒棄成見用人。

另一解籤師傅則稱以籤文所見,香港百業待興,亟需固本培元,施政勿操之過急始能穩中求勝,其中樓市亦有望向好。

車公第11籤籤文「威人威威不是威,只當著力有箴規;白登曾起高皇閣,終被張良守舊圍。」解曰:「凡事守舊,求財遂意,自身得運,婚姻不合。」

籤文預示香港經濟有危機 當權者應廣納意見

車公廟解籤師傅陳天恩指,當權者勿自以為是,應廣納意見:「唔好將所有事情攬上身,就好似當年劉邦圍困白登,好彩就有張良,有個能人將經濟搞返好,否則香港唔知會點樣。」他稱,籤文指涉本港經濟而非政局環境:「寓意香港經濟非常、非常之差,但有能人異士可以搞返好佢,重復以前光景。」

▼1月23日大年初二 劉業強為香港向車公求得11號中籤▼

+23

「張良」或是本地人才 解籤人:點解我哋唔搵返佢出嚟

他指,「張良」是本地人才,但非朝中之人,有可能是已離港人士或政府不願任用的良才,抑或是民主派:「可能係離開咗,冇做官好耐嘅,點解我哋唔搵返佢出嚟,要有個歧視喺度呢?可能係一個人,又可能係一個團隊,因為張良掘地道都要一班人,單靠政府嘅力量係做唔到,但如果自己小氣,就會自困。」

至於香港與內地恢復通關又可振興經濟?他說,即使旅客來港消費,對本港經濟振興亦不樂觀,中央出手亦未有太大提振作用,始終需求良將點石成金。

威人威威不是威? 解籤師傅籲實際:香港唔係樣樣都咁威

另一解籤師傅陳聖雲稱,香港經歷疫情百業待興,需要固本培元:「𠵱家唔係好似以前香港樣樣都咁威,個底仲係好虛,依家唔係我哋威嘅時候,要打實際,有規有據,循序漸進,香港就會慢慢向好。」

施政忌操之過急

他認為,本港需保守沉穩,施政時切忌操之過急,「唔係話疫情一過,全部嘢都可以上喇。」以通關為例,亦宜循序漸進,達致全面免檢測通關,「千祈唔好一下子放晒。」他又稱,按本港年運而論,地產、時裝、電腦科技、土木工程等向好發展,其中樓市會逐步復蘇,惟金融事業則有待振興。