新冠肺炎|恢復午市堂食 食肆人流稀疏 餐廳東主:好驚做唔住

最後更新日期:

本港新冠肺炎第三波疫情肆虐,持續第10日確診數字破百。政府周三(29日)收緊防疫措施,食肆全日禁堂食,惟實施後打工仔踎街食飯,非常淒酸、狼狽。全城狠批禁堂食令,政府於昨日終跪低宣布「解禁」,今日(31日)起恢復於早午堂食服務。

不過記者今午巡視食肆,發現解禁後,堂食人數沒有反彈,部份食肆人流依然稀少,有食肆負責人坦言:「好驚做唔住呀!」

高先生指,禁堂食首天,看到港人需在街頭用膳,感到非常痛心。(倪禮碧攝)

東廣場一米線店負責人高先生指,近日生意額大減一半,縱使今日恢復早午間堂食,惟生意反而更差,「其實呢排工商區都少咗好多人返工,啲單自然少咗。」他續指,雖有人下外賣單,不過外賣平台需每張單抽3成佣,「我哋平時一日邊到賺到3成。有時啲單仲要冇人接,今日就有張單本身係送上聯合醫院畀啲姑娘,但係冇人接單,最後我要搵同事搭的士送上去。」

高先生表示,禁堂食首天,看到港人需在街頭用膳,感到非常痛心,「有個幫我哋送完外賣嘅人都係買完碗麵,踎係後巷食,好慘呀!衛生情況都差啦!」他得悉附近教會有開放予有需要人士入內膳,亦特意將其宣傳單張貼在店面。「幫到人都幫到自己,早兩日有啲客買完外賣冇位食,都專登帶埋佢哋上教會。」

另一間位於協和街的食肆負責人呂先生就指,近日店舖生意慘淡,員工都需要輪流放假,至今日恢復堂食,人流才比早兩天多,更坦言「好驚做唔住呀!」。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。