【做律師好風光?】月薪唔夠20k 多數係孤獨精 道德底線仲要…

撰文:
最後更新日期:

讀者匿名問題:小弟讀HKU LLB Year 4,準備入PCLL,GPA中上,未有TC,但心思思想做Counsel大狀,有Mooting經驗,覺得做Counsel好刺激;但我又知道做Counsel唔係咁易搵食,而且非常困身。 在HKU同儕之間素仰SJ大神向來樂意指導晚輩,希望SJ大神指點下迷津,感激不盡!

有關做Counsel的生活,早前有一位Peter Chan回答得非常貼切 。

就講下做刑事大律師 Criminal Barrister,試想吓:

1. 出入法庭、 監獄、警署、自己chambers

你日日都係去嗰幾個地方 – 法庭、監獄、警署、自己chambers(寫字樓)——法庭警署同監獄係全世界最悶最麻煩嘅地方,唔係講規講矩 (法庭)就係門禁森嚴(監獄),再唔係就同爛仔竇差不多(警署)。大律師係自僱人仕,返到自己chambers就坐係房做嘢,唔會同第二啲counsel有interaction。啲秘書/typist又唔會同你吹水埋堆。一般寫字樓有嘅、同事間嘅interaction,你唔會有。到你入行耐咗,就可能有同行叫你去FCC同其他bar/solit飲杯嘢social吓囉。年資淺嘅,註定做孤獨精……

SJ:Young barristers的確頗孤獨,有好多冇Case時更乾脆唔返chambers,留係屋企就算,省返啲車馬費。據說周不時有Solicitors打去Chambers找某某年輕大狀,Chambers的接線生聽過電話另一邊叫出的大狀名字後,例如唔該啊「Mr. XXX Chan」,往往會回不過神來,因為根本記不起有呢位Counsel!

你說悲不悲哀?

Young barristers的確頗孤獨,有好多無Case時更乾脆唔返chambers,留係屋企就算,省返D車馬費。(圖片來源:VCG)

2. 撞口撞面 法官、犯人、警察、律師

你日日都係見埋同一堆人——法官、犯人、警察、律師(包括師爺)。法官高高在上,有佢鬧你你冇反擊,最多俾你做到SC時偶然喺佢chambers請你飲杯sherry。犯人有官司在身,一定唔開心苦口苦面,個個話自已好人過鄧肇堅。你打輸佢就怨你鬧你,你打贏佢手都唔會同你握。啲律師日日見,冇晒feel,大家交往建立喺$上(你要靠佢介紹客仔)。警察——唉!唔使講……

SJ:好多Counsel朋友都有同感。

3. 睇文件 寫文件 改文件

你嘅工作會淨係睇好多好多文件,揾好多好多案例同法律,寫好多好多嘢。次次上庭跟住同一程序做同一樣嘢,寫一樣嘅文件(eg. Appeal bundle)。你話悶唔悶?

SJ:Counsel 根本就是一部文件機器。

Counsel 根本就是一部文件機器。(圖片來源:VCG)

4. 心理關口

雖然話“innocent until proven guilty”,但人心肉做,兩條友仔喺網上識個14歲女仔,帶佢返屋企輪住嚟又強姦又雞姦又口交又吞精又拍片,仲逼個女仔係鏡頭前做 V 手勢 「話下次玩過」(真實個案)。佢話你知個女仔係自願,叫你幫佢打,你做唔做得到?

SJ:其實好少Counsel有呢啲心理關口。做得律師,尤其Counsel,day 1就知道最重要係咩 (Duty to Court, client etc. 以及賺錢),道德根本不在考慮範圍。

5. 贏官司 勝利感大

當一個人為$殺咗個泰國女華僑擺佢喺入境處電梯機房,之後又殺咗個地勤擺佢喺引水道再勒索佢男友,你幫佢上訴成功(真實個案),你會唔會開心?

SJ:贏就係Counsel好,輸就係Counsel廢。這是99%打官司的人的心態。然而,真正的贏輸通常在於案件本身的merits。好Counsel(以及好律師)往往就是把事情做得好,做得smooth,可以很好地協助法官了解案件相關案情與法律,以及為client提供更準確的legal advice,例如該打定係settle/plead guilty。

贏就係Counsel好,輸就係Counsel廢。這是99%打官司的人的心態。(圖片來源:VCG)

6. 大律師 賺大錢?

無論輸贏都有錢收,做得十年八年就可月入十零廿萬,你話正唔正?好彩嘅做到單上市公司詐騙案,一打就120日,每日收$4萬(真實個案),係咪好和味?叻仔啲廿年後做埋SC,打上訴上堂收20萬一日,你話過唔過癮?

SJ:後生Counsel,生活極度困難。算有得10年call的,好多都struggle緊。Counsel越來越多,Brief就越來越細,低處未算低。

當然,食正條水的話,真的賺很多錢,但非常粗略估計Call了3年的Counsel計:

2%人平均月入港幣$200,000以上;

8%人平均月入港幣$100,000-$200,000;

20%人平均月入港幣$50,000-$100,000;

40%人平均月入港幣$20,000-$50,000;

30%人平均月入港幣$20,000以下。

當然,賺最少的人有可能有其他正職既,例如去教吓書。

Counsel越來越多,Brief就越來越細,低處未算低。(圖片來源:VCG)

7. 做大狀=非常有型

落老蘭一話自己做bar,大把靚女飛撲埋身,你話爽唔爽?

SJ:其實大把大律師個款成個電車男咁,可能忙於工作啦,而且做得Counsel冇幾可去LKF飲酒:一係冇錢,一係冇時間。

做得Counsel冇幾可去LKF飲酒:一係冇錢,一係冇時間。(圖片來源:VCG)

SJ結語

做大律師其實係好悶、唔開心,但好搵錢,亦幾有社會地位嘅工作。咁嘅工作,你會唔會想做?

 

【原文轉載自StealJobs.com。StealJobs全面透露各行各業人工,工時,晉升前景,以及入行攻略,歡迎匿名提供收入資料。】

【Psychopath】精神變態最啱做嘅10大行業? 警察、律師都有份…

其實精神病患者如在獲得適合治療下,是可以如常人般投身職場,不過有外媒早前就與心理醫生列出10個最受精神變態(Psychopath)人士歡迎的職業。在此無意標籤任何一個職業,也不代表被列出的職業都是「有問題的」,不過閱讀這名單,也可算是從另一角度了解這些行業的另類特性吧!

【婚姻註冊】證婚律師多數係「阿叔」? 從年資、收入話你知原因

眾所周知,香港律師分兩種:事務律師(Solicitors)同大律師(Barristers),其中大部分為事務律師。大眾的一個常見誤解,就係大律師較事務律師高級,而且由事務律師「升上去」……



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。