【職場新鮮人】學歷只係入場券 晚晚OT唔代表你有「利用價值」…

撰文:
最後更新日期:

SJ相信好多人都經歷過呢個階段:讀大學時,即使係一、兩次考試分數稍為高一點,或者成功當選某學會管理層/球隊隊長之類角色,甚至偶爾有機會與某某名人單獨見面傾談社會大事,已經以為自己好把閉,好似站在世界之巔。

18歲,就是氣燄更盛,自信爆棚。

踏入職場後,無論你係高材生定係莊主,自然感受到社會的震撼教育:話之你咩大學畢業,其實你什麼都不是。(VCG)

幾年轉眼過去,踏入職場後,無論你係高材生定係莊主,自然感受到社會的震撼教育:話之你咩大學畢業,其實你什麼都不是。曾經的大學生光環(尤其讀名牌大學或神科之類),在社會五光十色的招牌與資本力量下,早已變得黯淡無光。

出來社會做嘢,只係睇你一樣嘢:你創造幾多價值?

「創造幾多價值」,有啲人話叫 Value-adding,其實更直接的,可以用以下呢句金句理解:

唔好怕被人利用。能夠被人利用,代表你依然有利用價值。最怕有一日,你連被利用價值都冇,那才是真正可悲。

無論你身處任何行業,公司出得1萬定10萬糧俾你,原因只有一個,就係你可以幫公司帶來最少2至3倍以上價值。而公司可以出呢份糧俾你,亦係因為公司的客戶交出訂單,因為公司可以提供到訂單貨品/服務價錢的價值,而呢個價值及價錢,係完全擊敗市場上其他對手的。

唔好怕被人利用。能夠被人利用,代表你依然有利用價值。最怕有一日,你連被利用價值都冇了,那才是真正可悲。(VCG)

關於Value-adding呢回事,有一個故事可以同大家分享:

香港有好多開鎖匠,一般來說開個鎖盛惠約800大元。一個新仔開鎖匠,開一次鎖可能要花費成個鐘,身水身汗,收費800,而一個老師傅不消5分鐘,已經輕鬆開鎖,同樣收費800。

由此可見,  喺一個商業社會,「價格」呢回事並不取決於你花幾多時間精力去做嘢,而在於你的End product係咩嘢,值幾多錢。打工其實一樣,當然呢個係Ideally speaking,一間好公司Remunerate員工,主要看重員工表現,而各種職效評估KPI就係希望量化員工表現。相反,員工是否經常OT,並不應該視為主要考慮。

喺一個商業社會,「價格」呢回事並不取決於你花幾多時間精力去做嘢,而在於你的End product係咩嘢,值幾多錢。(VCG)

人生想要事業成功,對絕大部分人而言,一世人其實只係要解決兩大問題:

1. 尋找一個突破點,搵到個人的Niche,個人可以創造價值的地方

正如以上例子,一個熟手的開鎖匠,熟悉香港所有常用門鎖,熟悉所有常見的木門與鐵閘的構造,成為呢方面獨當一面的專家。絕大部分人,其實只需找到如此一個技能或事業突破點,例如你做Compliance的話,你做到成間銀行你最熟所有本地與國際AML法規,以及銀行AML政策與應用,咁你已經可以獨當一面。相反,如果你甘於在Compliance部門裏面做一個冗員,射波射得就射,最好乜都唔使你做,咁你一世就係咁大,裁員潮第一個就裁你。

尋找一個突破點,搵到個人的Niche,個人可以創造價值的地方(VCG)

2. 將自己的個人價值 Scale up 散播出去,發大來做

假如你係一個出色的開鎖匠,每次賺800,減去成本一個月可能可以賺5至6萬,但呢個已經係你個人產能的極限。做一個出色的牙醫,日日洗牙補牙,時間精力做到最盡,可能一個月10至20萬Maxed out。但當你有一範可以話獨當一面時,呢個時候你可以考慮將自己個人價值Scale up,將個人價值散播出去。當然,呢個係知易行難,分分鐘仲難過上面第一步。要Scale up個人價值,視乎行業有各種方法。

例如,一個出色的開鎖匠,可以訓練更多徒弟,由自己一個人開鎖,變成一個20人的開鎖集團,假設每個徒弟人工2萬,再另外幫你賺2萬,咁你作為集團老闆就月入40萬。

要Scale up個人價值,視乎行業有各種方法。一個出色的開鎖匠,可以訓練更多徒弟,由自己一個人開鎖,變成一個20人的開鎖集團,假設每個徒弟人工2萬,再另外幫你賺2萬,咁你作為集團老闆就月入40萬。(VCG)

但呢度有一些好大假設,假如呢啲假設唔Work的話,隨時血本無歸:首先,你有冇咁多生意?如果呢個月有,你又係咪肯定下個月都係? 其次,你的徒弟係咪做到嘢?如果佢地好出色,咁你點樣留得住佢地?如果做唔到嘢,又等於幫你倒米。 由此可見,如果一盤生意,靠「人」賺錢,即所謂輕資本,好似地產代理之類生意,好考管人技巧,易學難精。

行另一條路,呢位開鎖匠可以考慮自行研發一種門鎖,可能係密碼定指模,或者研發一種會提你帶鎖匙出街的警報工具,然後大量生產,再每年收系統升級保養費用等,呢個就係行一條產品路線。好處係所謂「Scalable」,好似微軟開發Office 360一樣。產品一經開發後,賣一件同賣一萬件,在營業額增加一萬倍時,成本只會輕微上升。而壞處係,前期研發成本大,時間長,而且產品推出後成功機會難料,如果唔work就浪費了大量時間金錢。

好處係所謂「Scalable」,好似微軟開發Office 360一樣。產品一經開發後,賣一件同賣一萬件,在營業額增加一萬倍時,成本只會輕微上升。(VCG)

無論如何,你係讀緊大學又好,剛畢業都好,最好盡快了解呢個商業社會基本上係咁樣運作的,而非單純地睇你學歷定付出。當然,呢兩樣嘢一樣好重要,更多係「入場券」呢個問題。

如果問有D咩係「What I wish I knew earlier」,我相信呢個Add value道理與經驗,會係最優先次序之一。

希望大家從中都有啟發。

SJ結語

如果你睇緊呢個Page,單純以年齡分佈估計,相信你好可能仍然在第一點,即係尋找自己的Niche,在發展自己一個獨當一面的技能。

祝願大家努力搵到自己的天賦及興趣所在,並且誠邀大家分享經歷,無論你係未開始,剛開始,苦戰中,抑或已經成功,SJ都非常歡迎大家分享經歷,可以Inspire到更多人。

【原文轉載自StealJobs.com。StealJobs全面透露各行各業人工,工時,晉升前景,以及入行攻略,歡迎匿名提供收入資料。】



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。