初生嬰兒瞓扁耳仔 媽媽網購矯形器 醫生憂慮一窩蜂立亂買

撰文:鄧煥儀
出版:更新:

初生嬰兒耳形不對稱,或在睡覺時「瞓扁咗」耳仔,家長也會擔心影響孩子長大後的外觀。近來不少媽媽在淘寶網購買聲稱可矯正孩子耳朵形狀的矯形器,並分享成效。兒科醫生陳欣永表示,此類矯形器理論上可行,惟暫時未有實質的醫學證據證明成效,若家長一窩蜂「立亂買」,反而帶來健康隱憂。

+6

淘寶熱賣 缺乏醫學實證

近日有媽媽在facebook群組「巴打絲打『113親子育兒』Facebook Club」群組發文,表示兒子自出生以來「成日訓(瞓)埋一邊」,令耳朵摺起。她在淘寶網購買了一個耳朵矯形器,自孩子出生第27日起開始配戴,「淘左(咗)個耳仔矯形器,$250蚊搞掂,帶左(戴咗)5日就好翻,帶(戴)多一星期俾佢定型」。記者發現,淘寶網有售各式用於初生嬰兒的耳朵矯形器,聲稱可改善耳朵輪廓,售價介乎人民幣200至400元。

兒科醫生陳欣永(受訪者提供)

兒科醫生陳欣永指,若初生嬰兒耳形不理想、兩邊不對稱,一般會先觀察情況。若果是嚴重的畸形個案,待孩子年紀大一點,才會做整形外科、耳鼻喉科矯形手術。

他表示,留意到耳朵矯形器成為家長之間的一個熱門話題。「初生嬰兒有兜風耳,或者兩邊耳形有啲唔同,有實際個案嘅媽咪話,用咗呢啲矯形器可以改善得到。坊間有呢啲儀器,又好似有好嘅反應,就令到件事好流行。」

按圖即睇潛在隱憂:

他續指,曾經與整形外科醫生及耳鼻喉科醫生討論,認為耳朵矯形器理論上可行,惟暫時未有充分的醫學實證。「暫時實質的醫學證據(scientific evidence)並不是太強,唔能夠實在咁話成效百分百,或者係咪真係有效。同整形外科醫生傾過,都話係work(可行)嘅,因為媽媽有雌性荷爾蒙過咗落初生BB度,骨比較軟,如果戴耳仔矯形器,係可以幫助到,但大部分要喺頭6周去做。」

小心使用 不鼓吹盲目購買

陳醫生坦言,不鼓吹盲目選用,最擔心的是家長們「立亂喺淘寶買」。「每個BB嘅耳形都唔同,每個兜風耳嘅形狀都好獨特,同埋啲膠嘅質素,會唔會引起過敏反應?拉扯嘅壓力係咪適當?一窩蜂咁上去買,會唔會有問題?」

按圖即睇注意事項:

+1

他建議,如需要使用,亦要加以小心,留意會否出現不良反應或副作用,「最緊要對BB仔無害先去做!」他提醒家長要留意幾點,「因為佢會箍住耳仔,用膠布貼住,第一要留意BB嘅皮膚會唔會容易敏感,尤其是幾個禮拜大嘅BB仔,可能會有啲皮膚問題,包括頭皮、耳仔附近有脂溢性皮炎、過敏性皮膚炎、濕疹,加上BB有時大汗,令皮膚特別容易甩皮,甚至發炎、出水。另外唔好箍得太緊,如果你見箍住之後,連表皮都白晒,會影響耳仔嘅血液循環。如果有呢啲現象,就要立即停止使用。」

相關文章:9歲女童眼角生疣不停眨眼 醫生:小朋友抵抗力差擴散得快

按圖即睇疣的特徵:

按圖即睇預防方法:

發表評論...