暖男爸爸│樹懶繪本勁催淚 插畫師菜心:導演放手俾我畫!

撰文:鄧煥儀
出版:更新:

由鄭中基、張可頤主演的ViuTV新劇《暖男爸爸》播出一星期後大獲好評,觀眾大叫劇情貼地又窩心。劇中時常出現的樹懶公仔及繪本更是吸引劇迷眼球,一手包辦劇中插畫的菜心在接受訪問時透露,劇中導演正在檢查自己的戶口存款,希望可徇眾要求,在聖誕節前自費推出樹懶周邊產品,更大方分享創作概念及與劇組合作的難忘點滴!

按圖即睇《暖男爸爸》繪本:

+12

網民盼出產品 菜心:導演計劃自己出錢推出周邊產品

劇中的媽媽鯨魚(余香凝飾)喜愛繪畫,不時趁著孩子睡著時畫下家庭相處點滴及憧憬,其中一幕阿榮(鄭中基飾)在家中翻閱亡妻留下的繪本時更不禁淚崩,感動觀眾!

不少眼利觀眾發現,繪本角色更串連劇中細節。其中可愛的樹懶公仔除了出現在便利店的禮品換領計劃,阿榮也不時揹著樹懶Tote Bag,令網民大叫劇組快點出周邊產品!

菜心透露,導演希望可徇眾要求,在聖誕節前推出樹懶周邊產品。(受訪者提供)

一手包辦劇中插畫的菜心昨日在其facebook專頁發文,表示「呢排成日都收到大家inbox問會唔會出樹懶扭蛋公仔、樹懶布袋、繪本 🎨 導演尋日終於鬆口,話睇大家反應,再決定出邊款!」

菜心向記者坦言,觀眾的反應是意料之外。「當初整樹懶公仔嘅時候,純粹為咗劇情需要,完全冇諗過大家反應咁熱烈。我哋做咗網上投票,大部份觀眾都話三樣產品全部都想要。導演而家check(檢查)緊自己嘅戶口balance(存款),佢準備自己出錢整晒三樣,等大家聖誕節可以有樹懶公仔、Tote bag同繪本,詳情請留意我哋fb ig。」

菜心曾送畫給朋友的孩子,間接促成今次與劇組的合作。(受訪者提供)

以與母親的相處入畫 從樹懶學習苦中作樂

菜心表示,自己不是全職插畫師,卻喜愛繪畫,並憶述一次的偶然,促成今次與劇組的合作。「呢幾年身邊好多朋友都陸續生小朋友,有一位媽咪朋友有日就話,好多媽咪成日收禮物,收來收去都係嗰幾樣嘢,知我本身畫開插畫,就提議我不如畫幾幅畫送俾佢嘅小朋友。畫一幅畫,就好似親手送祝福俾小朋友,於是我就開始畫。有日導演見到我啲畫,覺得好溫暖,啱佢套新劇,於是就有呢一次嘅合作。」

菜心坦言,導演在過程中給予一定的自由度。「其實,導演好放手俾我自己畫。最主要都係諗起媽咪湊我同細佬嘅回憶,媽咪係個幾有幽默感嘅人,所以繪本中某啲場景都直接用媽咪嘅描述入畫。」

劇中的插畫圍繞可愛的角色「樹懶小姐」,原來亦別有用意。「其實我一路都有畫開樹懶,因為呢種生物好神奇,好似世間任何事都唔會打擾到佢哋咁,令到我都想成為一隻樹懶。講少少自己嘅性格先,老公話我係一個悲觀但快樂嘅人,第一次聽好似好怪,悲觀又點會快樂?但聽完佢分析,似乎我又真係個咁矛盾嘅人。自己同身邊嘅朋友工作幾年,工作、人際總有不如意,甚至對人生有疑惑、樽頸位……廿歲嘅我,一定會好急切搵岀解決方法。但人到三十,就發現好多事掌控權不在你。我畫過一幅樹懶對暴龍哥講:『今天解決唔到嘅事,唔好急,因為聽日都可能解決唔到。』一聽你可能覺得好灰,但其實算係一個passive aggressive(以退為進)、苦中作樂嘅解決方法。每個人性格總有啲樹懶,爭在係幾大程度上嘅passive aggressive。」

按圖即睇催淚場口

+15

難忘即日起貨 觀眾可找到自己角色

菜心分享,與劇組合作時難忘要即日起貨。「道具部永遠都係今朝通知你要咩,今晚就要岀到俾佢」,又笑言:「另外,導演話Ronald(鄭中基)成日都記錯我叫青瓜。」

觀眾睇劇時,還可多留意什麼細節?「除咗要留意我嘅畫,其他一切都唔重要,講笑咋!導演真身係一個毒舌暖男,好mean(尖酸)但好好人,所以佢寫同拍出嚟嘅呢一套《暖男爸爸》,充滿人性,亦都好溫馨。每個觀眾都應該可以喺劇集裏面搵到屬於自己嘅角色。」菜心補充,自己尤其喜歡看阿榮的成長,以及他與兒子暴龍哥之間的互動。「因為令我諗起我青春期嘅時候同我Daddy水火不容,但到而家所有朋友都知菜爸爸錫到我燶!」