謝安琪報名學棍波電單車 老公張繼聰:一定要送份禮物俾你

撰文:
最後更新日期:

張繼聰這幾年沉迷於電單車,連情人節都拋下老婆,和好兄弟方力申去遊電單車河,又送上一部中古電單車作為情人節禮物給沒有電單車牌的老婆。最近謝安琪終於「扚起心肝」,報名學電單車,謝安琪還表示「屋企全部都係棍波車,我一定要考到棍波車牌,如果唔係有人又有藉口⋯再買新車」。

張繼聰這幾年沉迷於電單車,經常和電單車發燒友一齊遊車河、到處打卡影靚相。早前情人節張繼聰更加拋下老婆,和好兄弟方力申去遊電單車河,然後再送上精心挑選的情人節禮物-中古電單車一部給沒有電單車牌的謝安琪。當時謝安琪表示「第一,我係未有電單車牌嘅。第二,如果我真係去考電單車牌,唔係話一定,係大約9成機會選擇考自動波。」還表示「所以當張先生送圖中呢架咁別緻嘅中古電單車仔比我,我當然好欣賞啦,但係一諗起自己連電單車牌都冇,仲要呢架係棍波電單車,我真係好驚喜。」

+27
+27
+27

相隔約兩個月,謝安琪今日(4月8日)貼出相片,表示自己終於去去報名學電單車,並表示當時只係是報名,並坐上電單車感受一下,「雖然服裝方面,可以話係嚴重出錯,但係無損我凌厲嘅眼神」,又表示「我究竟諗緊乜嘢?我係諗緊......屋企全部都係棍波車,我一定要考到棍波車牌。如果唔係,有人又有藉口……再買新車。」。

謝安琪還標注老公張繼聰的Insatgram ,表示「為咗呢個原因,一定要考棍波」。而張繼聰則留言「咁高興,一定要送份禮物俾你,賀一賀佢😌」。不少網民表示二人互動甜蜜,是花式晒恩愛。



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。