帶囡囡賀Anson Lo生日 排舞室變展覽館 媽媽:追星有動力去讀書

撰文:鄧煥儀
出版:更新:

今日(7日)是MIRROR成員「教主」Anson Lo(盧瀚霆)的26歲生日,「神徒」(Anson Lo粉絲)除了在尖沙咀碼頭預備大型慶生廣告板,更在其專屬排舞室打造限定展覽,吸引大批神徒到場打卡。現場不少媽媽帶著孩子到場潮聖,有媽媽表示,追星後女兒的讀書動力大增,「冇咁勞氣」,不禁高呼「多謝Anson!」
攝影:羅國輝

+19

900名額 特設「親子組別」

「Anson Lo盧瀚霆後援會」近日租下Anson Lo常用的排舞室,一連四天舉辦名為「Stand By You」的展覽,Anson Lo生日當天便正是最後一天。後援會負責人Annie表示,入場名額共900個,先到先得,更特設「親子組別」,每位家長最多攜同2位孩子入場。

她指,現時後援會的「親子會員」人數為378人,是次到場的佔108人。她又透露,會方整個7月的慶生及新歌宣傳計劃花近7位數字,接下來計劃成立慈善基金,把扣除成本後的收益撥捐予慈善機構。

+19

媽媽:追星畀動力佢去讀書

媽媽阿珍今天與9歲女兒來到現場,表示3歲半的幼子同是「鏡粉」,最喜歡的成員是Tiger。「其實係老公叫我睇Mirror先,之後一家人一齊睇《男排女將》,之後就不得了喇!」囡囡指今天到場前特意先完成功課。「本身整咗張生日卡畀佢(Anson Lo),但唔記得帶過嚟!」

囡囡又分享:「上次MIRROR演唱會啲fans佈置咗啲氣球,我想去嗰度影相。媽媽話溫晒啲書就帶我去打卡,我就搏命溫。我默書由唔合格變合格都係因為Anson Lo。」

阿珍表示自己的學生年代也未曾追星,現時為了女兒一同參加後援會,是一趟特別的經歷,坦言「佢平時拖到好遲先溫書,但原來追星係可以畀動力佢去讀書同做功課,冇咁勞氣。上次默書由30幾分升到80幾,成件事好神奇,咁我哋就繼續去追星啦,真係多謝Anson!」

除了是一種親子活動,阿珍表示,藉著追星更是另類學習。「追星都應該有manner,影相點樣守跌序、尊重明星私隱,我哋都要適可而止。」

+23

爸爸陪囡囡追星:已有默契

爸爸羅先生帶同13歲女兒到場,他表示,自《全民造星1》已認識MIRROR,和囡囡一同在《全民造星2》喜歡上Anson Lo。「佢跳得非常之好,唱跳唔喘氣,係明日之星!但我鍾意嘅程度冇個女咁大。而太太比較中意姜濤、AK(Anson Kong),家庭間多咗話題。」

他表示,女兒參加了後援會後,每次均會陪她外出活動,例如到商場影相,大家已建立默契。「唔使特別問,佢假設我一定會知(有活動),會陪佢去。」他透露囡囡曾「買支Anson Lo嘅香水喺屋企噴。」今天到場「俾咗500蚊佢」隨喜好購買應援物品。

三孩媽媽:帶小朋友去見識下

媽媽Kammy育有分別8歲、6歲及5歲的孩子,今天帶同其中兩位到場。她表示,「媽媽好難自己一個去追星,想帶埋佢去見識,互動下。」她指後援會的安排妥當,是個很好的親子活動,希望孩子可學習Anson Lo的優點。「佢好錫屋企,好值得學習,都教下個仔要對媽媽好!」

相關文章:Mirror|老公開FB群組呻婚姻破裂 大爆另一半瘋狂追星:我排名17

老公們的申訴:

+13

《大叔的愛》劇集,看到老婆們臉紅尖叫:

+14

讓老公們認識更多Mirror:

+9
發表評論...