19、29、39歲慶祝生日隨時命都冇？台灣都市傳說背後有段故
撰文：樂活台灣網
出版：更新：
台灣傳聞19歲唔可以慶祝生日，究竟點解？
剛剛黎到台灣讀大學嘅同學仔可能都會岩岩踏正「19歲生日」呢個關口，但有無遇過台灣朋友仔知道你19歲而唔同你過生日？又或者台灣朋友仔19歲死都唔比你同佢過生日？可能你會覺得「唉！係呢度都係識唔到朋友」，但原來係台灣人嘅立場黎睇，佢係為緊你好。
19歲生日唔可以慶祝原來有原因。（Gettyimages／視覺中國）
長輩流傳都市傳說
原來係台灣有個都市傳說，係一啲長輩流傳落黎嘅傳統，傳聞係話9係尾數最好不要過生日，因為果一年會經常出意外、會有血光之災，而且傷亡機率偏高。聽聞好多都會有車禍之類嘅劫。又有啲人話係19歲要跨20歲果一年會有一個劫難，只係有啲人大劫，有啲人小劫，過左之後就會比較平安10年，然後就到下一個29歲跨30歲嘅日子，所以通常台灣人都唔會係19歲、29歲……尾字有9嘅一年過自己生日。相反，尾數有0就比較吉利，因為代表上一年你平安渡過，所以要好好慶祝。
所以其實呢一啲都算係台灣一啲流傳落黎嘅習俗，所以都會有啲人會避29歲結婚，而提早係28歲就舉辦婚禮。而上左年紀嘅老人家，都盡量唔會係79、89、99歲慶祝生日，因為佢地覺得咁樣係同閻羅王報歲。
9歲生日都唔可以慶生（Gettyimages／視覺中國）
19唔過咪20先過生日囉
所以如果黎到台灣19歲、29歲無人陪你過生日，唔需要難過，因為本身台灣人都未必會過9字尾嘅生日，我地就當入鄉隨俗，一齊避開9字尾劫數啦！
台男借生日助貧困兒童 fb呼籲「1讚好捐1蚊」 共捐出2.4萬港元【Surprise】生日蛋糕蠟燭突「花式綻放」嚇親嫲嫲 網民：快笑死海洋公園推港人優惠「一月之星」生日週免費入場 惟同行優惠取消【睬】台85˚C便當造型蛋糕 插紅蠟燭後超崩壞 網民：好唔吉利周國賢生日遺失銀包 獲原封不動歸還勁感動：香港仲有好多好人送貴價蛋糕未獲女神眷顧 兵仔原個包好拎走 連登女：睇到心酸
【本文獲「樂活台灣網」授權轉載。】