【元朗黑夜】YouTuber大J籲同業為年輕人發聲 勿為利益埋沒良心

撰文:
最後更新日期:

自從逃犯條例修訂解大批港人上街後,香港知名 YouTuber「大J」(Jason) 6月開始多次製作討論時事議題短片,至昨日(7月21日)「元朗黑夜」後,大J再於社交網站facebook發文,呼籲香港YouTuber同業利用影響力「去做啲嘢」,更指若因公司合約「不容許你發聲嘅,而你係想發聲嘅,同我講,如果有解約金要畀嘅,我幫你畀!」

大J:有責任做正確的事

大J發文以「To 所有香港YouTuber」為首,大J指自6月頭開始的逃犯條例修訂風波,「香港不斷發生大大小小不公義事件。你可能希望保持中立,保住自己飯碗,而一直不發聲」,然而「作爲一個有知名度嘅人,雖然並不一定要為各大事件表態」,但對於元朗發生的激烈衝突,「你仲可以保持中立?你仲可以唔利用自己嘅影響力,去做啲嘢?!」

大J 又表示:「「上網睇YouTuber嘅觀衆,大部分係小朋友同年青人。我地係有責任做正確的事,將正確既思想傳達落去。」他續稱:「如果你係因爲同現有公司合約,或公司不容許你發聲嘅,而你係想發聲嘅,同我講,如果有解約金要畀嘅,我幫你畀!」有關帖文發出約1個半小時後,已經獲得近3萬個讚好。

Facebook@Jason - 大J

大J是香港最受歡迎YouTuber之一,2012年起開始分享生活及打機短片,至2015年6月成為香港首名影片觀看次數突破1億YouTuber,據稱年收入過百萬港元。

曾稱因表態損失6位數贊助

自6月《逃犯條例》修訂觸發大型遊行後,大J開始製作反對修例及「光復屯門」等短片,一度被指「博上位」,他曾於YouTube上留言回應:「自從6月頭開始我係YouTube、Facebook、Instagram公開表態之後,已經有好多中國資金既客戶停止同我合作,當中包括實體產品,手機遊戲等等既宣傳工作。連帶原本已經傾好晒但忽然被取消既工作,保守估計我損失應該超過6位數字。」他反問批評者:「博上位?你博俾我睇下!」

7月21日 ── 元朗黑夜圖

消息:村民收溫提下午3時至10時避去元朗市區

白裙女子倒地 醫管局:衝擊中未接孕婦或流產個案

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。